2 Timotius 1:15 - Kaili Ledo

¹⁵ Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 1:15 Referans Kwoze

2 Timotius 4:16

Tempo parakaraku nitangara paratama, ledo ria saitoa nombatulungi yaku; nepalaika puramo roa. Kuperapi Tupu ledo mombareke salara haitu.

Filipi 2:21

Pura-pura roaku ntanina aga nasesa nompekirika bagora mboto, ledo nompekirika dota i Yesus Kristus.

Suro-Suro 19:10

Aga ivesiamo nipovia i Paulus rompae kasaena, sampe pura-pura tona nonturo ri propinsi Asia, toYahudi bo tona ledo toYahudi, nangepe Tesa nTupu.

1 Korintus 16:19

Nadea tabe lako nte todea topomparasaya ri propinsi Asia. Bo tarima muni nadea tabe lako nte i Akwila bo i Priskila nosanggani-nggani ante todea topomparasaya anu nasiromu ri banuara, apa komiu pura-pura nosampesuvu sabana pomparasayamiu i Pue Yesus.

Suro-Suro 19:27

Jadi, sampesuvu-sampesuvu, nee sampe pokarajaata hitu rapakadaa ntona. Ledo aga haitu, nee sampe banua petupu viata Artemis rapandaente ntona bo nee sampe i Artemis mboto domo rabila, tano i Artemis nisomba ntodea pura-pura ri Asia bo ri njumangu dunia!”

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 20:16

Lako ri pamula polipa kami, i Paulus nompakatantu domo ia mesai ri ngata Efesus, ala nee masae gaga ri propinsi Asia. Apa nasara rarana hau mantuntuni eo mbaso Pentakosta ri ngata Yerusalem.

Suro-Suro 19:31

Ivesia muni bara sako-ndua tomaoge topoparenta ri propinsi Asia haitu, anu novega ante i Paulus. Nitudura tona hau mangulika i Paulus, “Nee mpuu mesua nte todea riara nu kasiromu haitu!”

Suro-Suro 2:9

Kita hii tona lako ri umba-umba, lako ri tana Partia, Media, Elam, lako ri tana Mesopotamia, Yudea bo Kapadokia. Naria muni lako ri tana Pontus bo Asia,