2 Timotius 1:13 - Kaili Ledo

¹³ Timotius, toramo pura-pura pepatuduki niepemu lako nte yaku. Pepatuduki haitu nakana mpuu bo kana majadi jonjo mupasiala bo mupatuduki ka tona ntanina. Pakaroso pomparasayamu bo potovemo singgamanusiamu sabana posangu raramu nte i Yesus Kristus.

2 Timotius 1:13 Referans Kwoze

Titus 1:9

Ia kana maroo manggangisi pepatuduki nakana anu nipatudukita ka ia, apa pepatuduki haitu namala raparasaya. Ivesiamo rapakulena mompangajari topomparasaya mangoseaka pepatuduki nakana haitu, bo rapakulena muni mompopaisani sala ntona anu nombasapuaka pepatuduki haitu.

2 Timotius 3:14

Tapi iko, Timotius, kana bate-batena manggangisi pepatuduki nakana anu nipegurumu bo mpuu-mpuu niparasayamu. Nisanimu tona nompaguru haitu, nipaguruna nakana ka iko.

Filipi 4:9

Anu nipegurumiu bo nitarimamiu lako nte yaku, nau tesaku, nau jonjo nikitamiu riara nggatuvuku, haitumo kana rapoviamiu. Bo ane haitu rapoviamiu, Alatala momporoa komiu bo mompakatinonto raramiu.

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

2 Timotius 2:2

Niepemumo pepatudukiku bo nadea tona ntanina nangepe bo nosabikina muni. Jadi pepatuduki haitu kana mupatuduki ka tona anu namala raparasaya bo anu nompakule mompatuduki tona ntanina.

Pompakita 3:11

Domo masae Yaku makava! Jadi kingisi pakarosomo pepatuduki nipatuduki ka komiu ala komiu manggava hadia padagi lako nte Alatala. Nee sampe maria tona mangago hadia haitu lako nte komiu.

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.

Ibrani 10:23

Kita kana bate-batena manjarumaka i Yesus, kita nangaku Iamo Tuputa. Nee molengga-lengga apa nisanita Alatala namala raparasaya mompakadupa pojanjiNa.

2 Timotius 1:14

Pepatuduki haitumo kakalumana niparasaya nu Alatala ka kita. Jadi ante petulungi Nosa Gasa anu naria riara ntaita, jagaimo pepatuduki haitu. Nee radekei rabaliki ntona.

Roma 2:20

Niulimiu komiumo natau nompatuduki tona nadoyo bo nompaguru tona dopa nanoto, sabana nisanimiumo Atura agama bo riara Atura agama naria mpengaya-ngaya pangisani bo pepatuduki nakana.

Titus 2:1

Iko, Titus, kana mompatuduki anu nosinggambela ante pepatuduki nakana ka tona.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

1 Timotius 1:10

Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

Pompakita 2:25

Kingisi pakarosomo pepatuduki anu naria nte komiu sampe Yaku makava mpanjili.

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Titus 2:8

Pakemo tesa-tesa nakana bo masipato, anu ledo mamala rasalai ntona. Ane mupatuduki ivesia, tona nangeva kita maeya matara, apa pura-pura anu niulimu nabelo. Ledo maria nuapa-nuapa nadaa anu namala rasalaira ka kita.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

Kolose 1:4

sabana niepe kamimo komiu nomparasaya i Yesus Kristus bo nompotove pura-pura todea nu Alatala.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

2 Timotius 4:3

Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.