2 Tesalonika 1:3 - Kaili Ledo

³ Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

2 Tesalonika 1:3 Referans Kwoze

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

2 Tesalonika 2:13

Jadi, sampesuvu-sampesuvu nipotove i Pue, masipato kami masaro manguli tarima kasi ka Alatala sabana komiu. Sabana, Alatala nompelisi komiu lako ri ulu jadi ala komiu rapakasalamaNa. Komiu nipakasalama ante kuasa Nosa Gasa anu nombabaliki komiu majadi todea gasa nu Alatala, bo komiu nipakasalama sabana pomparasayamiu pepatuduki nakana.

1 Tesalonika 4:1

Kaupuna, sampesuvu-sampesuvu: bara ipia kami nompatuduki ka komiu pokainggu masipato rapoviamiu ala madamba rara nu Alatala. Bo nisaniku nipoviamiumo anu nipatuduki kami. Tapi kami merapi nte mpuu-mpuu rara bo mompopatora komiu ante kuasa nidekei i Pue Yesus ka kami: pasimbukumo hanupa matuvu nte pokainggu mompakadamba Alatala!

Filipi 1:9

Jadi, iveimo pomperapiku nte Alatala, ala pepotovemiu mantambai, bo mantambai rasanimiu anu nakana, bo mantambai kanoto mpekirimiu.

1 Tesalonika 3:12

Kami nerapi ala i Pue mantambai tovemiu sampe komiu mpuu-mpuu mosimpotove bo mompotove pura-pura tona, nasimbayu mpo kami mpuu-mpuu nompotove komiu.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Tesalonika 3:9

Ane kami nosambaya ka Tuputa Alatala, nadamba mpuu rara kami nantora komiu! Kami nasaro notarima kasi nte Alatala sabana komiu, tapi eva ledo nagana rabalasi ka Ia kadamba rara nirasai kami.

Roma 1:8

I Yesus Kristus mosinggava nte yaku nosukuru nte Tupuku Alatala. Pamula-mulana yaku nosukuru sabana lele pomparasayamiu i Yesus niepe ntonamo ri umba-umba ri dunia.

2 Petrus 1:13

Nipekiriku ane yaku da natuvu, masipato kupakaroso raramiu ante pepatoraku hitu.

1 Tesalonika 3:6

Tapi hitupa nanjilimo i Timotius lako ritu nte komiu, bo nitesana ka kami karebamiu anu nompakadamba rara kami, ivei: “ToTesalonika naroso pomparasayara, bo nosimpotove. Ira bate-batena nantora kita ante damba rara bo ira nalentora manggita kita nasimbayu mpo kita nalentora manggita ira.”

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Efesus 5:20

Komiu kana masaro motarima kasi nte Tuamata Alatala ka pura-pura anu najadi. Ulimo tarima kasi ka Ia sabana komiu nosangu rara nte Tuputa Yesus Kristus.

1 Korintus 1:4

Yaku ledo nenonto nanguli tarima kasi nte Alatala, sabana kabelo raraNa nte komiu anu nosangu rara ante i Yesus Kristus.

Lukas 17:5

Pade nanguli anaguruNa, “Pue, pakaroso pomparasaya kami.”

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

2 Korintus 10:15

Naria sanu tona nalanga rarana nangoe kabelo asele pokarajaara, tano mai aga asele pokarajaa ntona ntanina. Tapi ledo ivesia kami. Kami ledo nangoe karo kami mboto notesa pokarajaa anu ledo pokarajaa nidekei nu Alatala ka kami. Kami nanjarumaka ane pomparasayamiu mantambai karosona, mantambaipa muni kadeana asele pokarajaa kami nte komiu.

2 Tesalonika 2:1

Kapolana, sampesuvu-sampesuvu. Kami madota motesa sakide ka komiu anu majadi tempo Tuputa Yesus Kristus makava mpanjili bo kita rapasiromu mosanggani-nggani ante Ia. Kami mpuu-mpuu merapi,