2 Korintus 9:8 - Kaili Ledo

⁸ Alatala nakuasa mombadekei belo ka komiu sampe komiu bate-batena ledo makura nuapa-nuapa. Bo belo haitu melabipa kaganana sampe komiu mamala movia mpengaya-ngaya anu nabelo mombatulungi tona ntanina.

2 Korintus 9:8 Referans Kwoze

Efesus 3:20

Alatala masipato rabilata! Nabaraka mpuu kuasaNa anu nombatulungi kita riara katuvuta. Ante kuasaNa haitu, Alatala nompakule novia nelabipa pade pura-pura raperapita atau rapekirita.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

2 Korintus 8:7

Sampesuvu-sampesuvu, nabelo pura anu nipoviamiu. Pomparasayamiu mpuu-mpuu naroso. Napande mpuu komiu notesa. Nisanimiu pepatuduki nakana, naoge raramiu nombatulungi tona ntanina, bo naoge mpuu pompotovemiu kami. Jadi ivesia muni mabelo rapasimbukumiu mombatulungi tona napakasi.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

2 Korintus 9:11

Alatala mombadekei mpengaya-ngaya belo ka komiu ala komiu batena mompakule mombadekei ka tona ntanina. Bo tempo kami manggeni pedekeimiu haitu ka tona napakasi ri bagia Yudea, madea tona manguli tarima kasi ka Alatala.

2 Korintus 8:2

Nandasa mpuu kasusa bo kapari nirasaira, bo ira mboto napakasi mpai. Tapi naupa ivesia, nelabi kadambara sampe ledo mpuu natove rarara nombadekei ka tona ntanina.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

2 Korintus 8:19

Ledo aga haitu, tapi ia muni nipelisi ntodea topomparasaya momporoa kami riara polipa kami hau ri bagia Yudea manggeni doi petulungi haitu. Patuju nu polipa kami haitu ala Alatala rabila bo ratoiya ntona, bo ala rasani ntona kaoge nu rara kami mantulungi sampesuvuta napakasi.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Suro-Suro 9:36

Napara ngata Lida naria ngata ntanina nosanga Yope. Ri ngata Yope naria saito mombine topangoseaka i Yesus, sangana i Tabita. (Riara basa Yunani sangana i Dorkas, batuana “rusa”.) Pokaingguna nabelo, bo ia nasaro nantulungi tona napakasi.

2 Timotius 3:17

Jadi Buku Gasa mompakagana pura-pura todea nu Alatala sampe rapakulera movia pura-pura pokainggu nabelo.

2 Korintus 13:3

Niperapimiu tandana yaku mpuu-mpuu niposuro i Kristus. Jadi ane kuhuku tona novia dosa rasanimiumo yaku mpuu-mpuu niposumba i Kristus! Sabana ane Ia mangonteaka komiu Ia ledo malente, tapi Ia mpuu-mpuu makuasa.

Filipi 4:11

Niuliku ivesia ledo sabana yaku napepa, apa naosamo raraku nau damo berimba katuvuku.

2 Timotius 2:21

Jadi ane tona mombakabasaka pura-pura pokaingguna nadaa, ia majadi masimbayu mpo pareva bulava bo salaka rapake mombatande torata. Batuana, ia majadi topokarajaa anu nagasa bo noguna ka Tupuna, bo ia masadia movia mpengaya-ngaya pokarajaa nabelo.