2 Korintus 9:2 - Kaili Ledo

² Nisanikumo kaoge raramiu mombatulungi ira. Nitoiyaku komiu ri ngayo ntoMakedonia. Niulikuka ira, lako ri mpae naliu komiu toAkhaya nasadiamo mompakatu pedekeimiu. Kadidi raramiu nombadekei, mpuu-mpuu nompakadidi rarara sampe ira muni nadea nadota nombadekei doi petulungi.

2 Korintus 9:2 Referans Kwoze

2 Korintus 8:10

Ivei panggavaku pompasiromu doi petulungi haitu. Nabelopa komiu mompakaupu bago nipamulamiu mpae naliu. Komiu tona pamulana nompekirika mompasiromu doi petulungi haitu bo komiu muni tona pamulana nompamula nompasiromu doi haitu.

2 Korintus 8:8

Ledo niparentaku komiu kana mombadekei maoge. Yaku aga mompopaisani ka komiu kambaso pepotove ntoMakedonia nantulungi tona ntanina. Patujuku ala kusani ane komiu muni mpuu-mpuu nompotove tona ntanina.

2 Korintus 8:24

Jadi kuperapi nte komiu popakitamo tovemiu ka ira tatalu ala rakita ntodea topomparasaya pepotovemiu, bo rasanira muni tesa-tesa kami nombatoiya komiu ri ngayora bara ipia, mpuu-mpuu nakana.

Ibrani 10:24

Bo kita kana mompekirika berimba kita mamala mosipakaroso rara sampe kita pura-pura mosimpotove bo mokainggu nabelo.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

1 Tesalonika 1:7

Jadi katuvumiu najadi jonjo nipasiala ntopomparasaya i Yesus pura-pura ri propinsi Makedonia bo propinsi Akhaya.

2 Korintus 8:19

Ledo aga haitu, tapi ia muni nipelisi ntodea topomparasaya momporoa kami riara polipa kami hau ri bagia Yudea manggeni doi petulungi haitu. Patuju nu polipa kami haitu ala Alatala rabila bo ratoiya ntona, bo ala rasani ntona kaoge nu rara kami mantulungi sampesuvuta napakasi.

2 Korintus 7:4

Ledo nakaja raraku notesa pakalanto ka komiu. Nadamba mpuumo raraku nantora komiu. Nau nadeamo susa bo pari nambela kami, hitupa narosomo raraku bo nelabi kadamba raraku nantora komiu.

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 24:17

Nasaemo yaku nompalaisi ngata Yerusalem. Tapi dopa nasae hitu, yaku nanjili hau ri ngata Yerusalem nanggeni doi petulungi ka tona napakasi ri sia, bo muni yaku madota mombadekei pesombaku ka Alatala.

2 Korintus 7:14

Dopame ia tou mompelioda komiu, nitoiyaku mamimo komiu nte ia. Bo pokainggumiu nikita i Titus ledo nompakaeya yaku. Pura-pura tesa kami ka komiu nakana, ivesia muni pura-pura potoiyaku komiu nitesaku ka i Titus nakana muni.

2 Korintus 8:11

Jadi hitupa papolamo bago haitu sampe maupu. Mabelo ane kadotamiu mompapola bago haitu sampe maupu, masimbayu ante kaoge nu raramiu nompamula bago haitu bara ipia. Dekeimo nangoseaka pompakulemiu.