2 Korintus 7:16 - Kaili Ledo

¹⁶ Nadamba mpuu raraku sabana komiu namala niparasaya riara mpengaya-ngaya.

2 Korintus 7:16 Referans Kwoze

2 Korintus 2:3

Bo haitumo patujuku notulisi sura ka komiu bara ipia. Apa ledaku tou ane aga masusa raraku manggita pokainggumiu. Kakanana komiu masipato mompakadamba raraku. Bo ane madamba yaku, tantu komiu muni madamba.

Filemon 1:21

Yaku notulisi sura hitu ka iko sabana nisaniku iko movia anu niperapiku hitu. Bo ledo aga haitu, nisaniku iko movia melabipa pade anu niperapiku.

Filemon 1:8

Jadi, nanggita pepotovemu ka topomparasaya, naria anu kuperapi nte iko. Kakanana, namala kuparenta iko movia anu masipato mupovia sabana kuasa nidekei i Kristus ka yaku.

2 Tesalonika 3:4

I Pue Yesusmo nanggeniaka komiu, jadi nisani kamimo anu nipatuduki kami ka komiu, nioseakamiu sii-sii bo bate-batena raoseakamiu.

Roma 2:19

Niulimiu komiumo natau nanggeni tona anu dopa nisanira pepatuduki nakana. Niulimiu komiumo natau nanggeni tona natuvu riara kalandana anu dopa nosisani nte Alatala.