2 Korintus 5:4 - Kaili Ledo

⁴ Tempo kita da natuvu ri dunia hitu nasumu rarata apa nirasaita nandasa katuvuta. Kita ledo madota mamate bo mogaa lako ri karota, tapi kita madota radekeika karo nabaru lako ri suruga ala karo anu mamate rasambei ante karo anu matuvu sampe ri kasae-saena.

2 Korintus 5:4 Referans Kwoze

2 Korintus 5:2

Tapi tempo kita da natuvu ri dunia hitu nasumu rarata, naoge rarata manggava karo nabaru lako ri suruga.

2 Petrus 1:13

Nipekiriku ane yaku da natuvu, masipato kupakaroso raramiu ante pepatoraku hitu.

Roma 8:23

Ledo aga dunia nandasa, tapi kita topomparasaya muni nandasa nirasaita, nantongoraka tempona Alatala mombakabasaka karota lako ri kuasa kamatea, bo mombadekei belo ka kita ana-anaNa. Nisanita tempo haitu kana makava, sabana nitarimatamo Nosa Gasa nu Alatala, tandana Alatala mpuu-mpuu mompakadupa pojanjiNa ka kita.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.

2 Korintus 5:3

Apa ane rakavata karo nabaru haitu, nirapaka kita nompasua baju ala domo movuloa.