2 Korintus 4:9 - Kaili Ledo

⁹ Kami nipandasa ntona tapi kami ledo nipalaisi nu Alatala. Naupa kami nasaro niboba sampe nadungga tapi kami ledo namate.

2 Korintus 4:9 Referans Kwoze

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Roma 8:35

Jadi, nuapa mamala mompopogaa kita lako ri tove i Kristus? Natantu ledo ria! Nau kita masusa atau mapari atau rapandasa ntona, nau kita maara mpai atau ledo ntoto ria pakea, nau kita rakava nu susa bara rapatesi, i Kristus bate-batena mompotove kita.

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.