2 Korintus 4:2 - Kaili Ledo

² Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

2 Korintus 4:2 Referans Kwoze

2 Korintus 2:17

Nadea tona nompatolele Tesa nu Alatala ala mangelo untu ka karora mboto. Tapi ledo ivesia kami. Patuju kami nagasa bo tesa kami nakana, apa kami nisuro nu Alatala mompatolele TesaNa. Jadi kami notesa ante kuasa i Kristus bo Alatala nanggita povia kami haitu.

2 Korintus 5:11

Jadi naeka rara kami movia anu ledo rapokono nTupu, apa nisani kami Ia mombatangara kita pura-pura. Jadi haitumo sabana kami nompasimbuku manggeni tona momparasaya i Yesus. Nisani nu Alatalamo isi rara ntai kami. Bo nisarumakaku rasanimiu muni isi rara ntai kami bo domo monggai raramiu mompekirika kami.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

Efesus 5:12

Apa pokainggu nipoviara nggalino haitu mpuu-mpuu nepakaeya, nau aga ratesa-tesa, naeya pura mata.

2 Korintus 7:14

Dopame ia tou mompelioda komiu, nitoiyaku mamimo komiu nte ia. Bo pokainggumiu nikita i Titus ledo nompakaeya yaku. Pura-pura tesa kami ka komiu nakana, ivesia muni pura-pura potoiyaku komiu nitesaku ka i Titus nakana muni.

Roma 1:16

Ledo naeya mataku nompatolele Kareba Belo. Apa Kareba Belo haitu pareva nu Alatala mompakasalama pura-pura tona anu nomparasaya i Yesus, pamula-mulana toYahudi, bo muni tona ledo toYahudi.

Efesus 4:14

Ane ivesia kita, kita domo mpo ngana anu ledo nakaja rabagiu, atau sakaya kodi nitompesaka nu balumba bo nikeni nu poiri hau tumai. Kita domo aga rataja hau tumai mangoseaka mpengaya-ngaya pepatuduki anu ledo nakana, bo domo kaliu-liu momparasaya tesa-tesa ntopebagiu anu natau gaga nodava, dava nipoviara mboto. Patujura, mompakasalandala kita.

2 Korintus 11:6

Naupa nakana yaku ledo napande notesa ri ngayo ntodea, ledo ivesia pangisaniku, apa nisaniku mpuu pepatuduki nakana. Haitu bate-batena nipopakita kami ka komiu riara mpengaya-ngaya pepatuduki bo pokainggu kami bara ipia.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

Roma 6:21

Belo nuapa nitarimamiu lako ri katuvumiu nokolu? Tantu ledo ria. Komiu aga naeya matamiu nantora pokainggumiu bara ipia! Asele pokainggu ivehaitu aga nanggeni kamate anu nompopogaa kita lako nte Alatala.

2 Korintus 6:8

Sanu tona nombabila kami, tapi sanu nanjalai kami. Sanu tona nantoiya kami tapi sanu nantunturaka kami. Nau kami nanoa, niuli ntona topebagiu.