2 Korintus 2:4 - Kaili Ledo

⁴ Tempo nitulisiku sura haitu ka komiu nasusa mpuu raraku, nantamo nirasaiku bo naoge uve mataku nesuvu. Patujuku notulisi sura haitu ledo mompakasusa raramiu, tapi ala rasanimiu kambaso toveku ka komiu pura-pura.

2 Korintus 2:4 Referans Kwoze

2 Korintus 7:12

Jadi patujuku notulisi sura haitu bara ipia, ledo aga mompakasala tona novia sala atau manjaliku tona nipakadaana. Alatalamo sabiku! Patujuku notulisi sura haitu, ala malanto ka komiu mboto tovemiu nte kami nambaso mpuu.

Filipi 3:18

Apa nadea ngganimo niuliku ka komiu bara ipia bo sii-sii kuuli vai ante tangi, nadeamo tona natuvu ante pokainggu nadaa. Niulira ira topomparasaya tapi pokainggura nadaa nompakalanto pesapuakara. Ledo niparasayara i Kristus namate ri kayu salib mombakabasaka kita lako ri kuasa nu dosa.

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

2 Korintus 2:9

Ri suraku bara ipia nituduku komiu mombahuku ia. Patujuku notulisi sura haitu ala kusani bara raoseakamiu pura-pura parentaku bara ledo.