2 Korintus 2:11 - Kaili Ledo

¹¹ Tona haitu niampungikumo ala nee sampe Magau nu Seta manggava loga mombadagi kita, sabana nisanita mamimo akalana.

2 Korintus 2:11 Referans Kwoze

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

Lukas 22:31

Pade nanguli i Yesus ka i Simon Petrus, “Simon, epemo tesaKu! Magau nu Seta nipaloga nu Alatalamo mompesori komiu pura-pura nasimbayu mpo topovaro pae.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

2 Korintus 11:14

Tapi kita ledo mahera manggita pokainggura haitu, sabana Magau nu Seta mboto nombabali karona ala rasarumaka ntona ia malaeka nanggeni reme.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Pompakita 2:24

Tapi naria muni komiu toTiatira ledo nangoseaka pepatuduki nadaa haitu bo ledo nadota neguru anu niuli ntona ‘pangisani Magau nu Seta anu nalonto.’ Kuuli ka komiu ivei: Ledo Kutambai parenta-parenta ntanina ka komiu.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.