2 Korintus 11:9 - Kaili Ledo

⁹ Bo tempo yaku nonturo nte komiu, ane naria paraluuku, ledo nipakasesaku komiu. Apa nuapa-nuapa niparaluuku haitu nipakagana nu sampesuvu-sampesuvu sampomparasaya nakava lako ri propinsi Makedonia. Yaku bate-batena nompasimbuku ala ledo mompakasesa komiu mompekirika katuvuku. Bo batena kupasimbuku ivesia, ledo kuperapi nte komiu.

2 Korintus 11:9 Referans Kwoze

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Tesalonika 2:6

Kami ledo muni mbeki ratoiya ntona, bara komiu bara tona ntanina. Kakanana masipato kami merapi nte komiu, sabana kami mpuu-mpuu suro i Kristus.

Ibrani 11:37

Naria muni tona nirempe vatu sampe namate bo naria tona nigaragaji pakapudu, bo naria tona nipatesi ante guma. Ira nolinja-linja nangelo katuvua, bo pakeara aga kulimba nu bimba bo tovau. Ira mpuu-mpuu napepa, ira nipakasusa bo nipandasa.

Filipi 2:25

Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.

2 Korintus 9:12

Jadi petulungi nidekeimiu haitu ledo aga mombatulungi todea topomparasaya anu napepa, tapi manggeni madea tona manguli tarima kasi ka Alatala.

2 Korintus 6:4

Nau bara nuapa-nuapa najadi, kami batena nokainggu nabelo ala malanto kami mpuu-mpuu batua nu Alatala. Kami batena nosabara naupa kami nombarasai mpengaya pepandasa bo kasusa.

Suro-Suro 20:33

Ledo ria sanggania nario mataku ka doi bara ka pakea ntona.

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

1 Korintus 16:17

Nadamba mpuu raraku tempo i Stefanus, i Fortunatus bo i Akhaikus tumai nte yaku ri sii, sabana ira nanjambei komiu nantulungi yaku ri sii.