2 Korintus 10:7 - Kaili Ledo

⁷ Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.

2 Korintus 10:7 Referans Kwoze

2 Korintus 5:12

Nee rapekirimiu kami nantoiya karo kami vaimo! Ledo ivesia. Patujuku ala komiu madamba mompekirika kami, bo ala rasanimiu mesanaka tona anu nompoara kami. Apa tona haitu aga nadamba ka nturora ri dunia tapi ledo nipeilira rara ntaira.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

2 Korintus 11:23

Batua i Kristus ira? Tesaku hitu eva tesa ntogila! Yaku batua i Kristus anu nelabi nabelopa pade ira! Nantamopa pokarajaaku pade pokarajaara! Nasaropa yaku nisuaraka riara ntarunggu pade ira! Yaku nicambu pakandasapa pade ira, bo nadea ngganimo yaku sakidepa namate!

Yohanes 7:24

Nee mompakasala tona nangoseaka anu nikita matamiu, tapi nangoseaka kanoana!”

1 Yohanes 4:6

Tapi kita hitumo ana-ana nu Alatala, jadi isema-sema nosisani belo ante Alatala nompetalingai pepatudukita. Tapi isema-sema ledo nomparasaya i Yesus, ledo nipetalingaina pepatudukita. Jadi haitumo tandana ala rasanita isema nikeniaka Nosa Gasa lako nte Alatala anu nakana bo isema nikeniaka pekiri lako nte Magau nu Seta mpodava.

1 Korintus 9:1

Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

1 Korintus 3:23

bo komiu bagia i Kristus, bo i Kristus bagia nu Alatala.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

2 Korintus 10:1

Hitupa yaku, Paulus, naria anu kuperapi nte komiu. Sanu tona ri situ nanguli yaku nabia notesa ri suraku, tapi ane nantingayo komiu, pangulira yaku aga naeka bo ledo nabia nanguli ri mata. Jadi ante raraku naede bo nalusu, nasimbayu mpo rara i Kristus,

1 Korintus 1:12

Batuana, sanu komiu nanguli, “Yaku hii topangoseaka i Paulus.” Naria sanu nanguli, “Yaku hii topangoseaka i Apolos.” Naria ntanina nanguli, “Yaku hii topangoseaka i Petrus.” Naria muni ntanina nanguli, “Yaku hii topangoseaka i Kristus.”

2 Korintus 13:3

Niperapimiu tandana yaku mpuu-mpuu niposuro i Kristus. Jadi ane kuhuku tona novia dosa rasanimiumo yaku mpuu-mpuu niposumba i Kristus! Sabana ane Ia mangonteaka komiu Ia ledo malente, tapi Ia mpuu-mpuu makuasa.

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

2 Korintus 11:18

Nadea tona ntanina nangoe karora mboto bo anu nipoviara ante karosora mboto. Jadi ivesia muni yaku mangoe karoku.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

1 Korintus 15:23

Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

Lukas 16:15

Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!