2 Korintus 10:1 - Kaili Ledo

¹ Hitupa yaku, Paulus, naria anu kuperapi nte komiu. Sanu tona ri situ nanguli yaku nabia notesa ri suraku, tapi ane nantingayo komiu, pangulira yaku aga naeka bo ledo nabia nanguli ri mata. Jadi ante raraku naede bo nalusu, nasimbayu mpo rara i Kristus,

2 Korintus 10:1 Referans Kwoze

2 Korintus 10:10

Nisaniku naria tona nanguli ivei: “Riara sura-sura i Paulus tesana nalonto bo nasodo, tapi ane ia mboto naria nte kita, ingguna damo nanonto, bo tesana ledo ria gunana.”

Matius 11:29

Paritundu pasanga Kudika ka komiu bo pegurumo nte Yaku, apa Yaku nalusu bo naede raraKu bo Kupakatinonto raramiu.

Galatia 5:2

Pariaramo! Yaku, i Paulus, nanguli ka komiu, ane komiu mompasimbuku rasuna nangoseaka Atura agama Yahudi, ala majadi manoa ri panggita nu Alatala, batuana i Kristus ledo ntoto ria gunana ka komiu!

Roma 12:1

Sampesuvu-sampesuvu, Alatala mpuu-mpuu nabelo nte kita! Sabana haitu, kuperapi ante mpuu-mpuu, dekeimo karomiu ka Alatala mpo pesomba natuvu, anu nipatani ka Alatala, anu mompakadamba raraNa. Haitumo ada pesombamiu nakana.

2 Korintus 11:30

Suro mpodava nangoe karora mboto, jadi yaku muni mangoe karoku mboto. Tapi ane yaku kana mantoiya karoku mboto, aginamo kalenteku kutoiya.

1 Korintus 2:3

Jadi tempo yaku naria nte komiu, yaku nalente bo nolete naeka.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

Filemon 1:9

Tapi nantora pepotovemu, aga kuperapi nte iko bo ledo kuparenta. Yaku hii natuamo bo nitarunggu sii-sii sabana nompatolele kareba i Yesus Kristus.

2 Tesalonika 3:17

Tabe lako nte yaku, Paulus. Tabe hitu nitulisiku mboto. Ivesiamo tanda mpale nitulisiku ri pura-pura suraku ala rasanimiu sura hitu mpuu-mpuu lako nte yaku.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Galatia 4:13

Nisanimiu mbotomo pamulana yaku nipaloga nompatolele Kareba Belo ka komiu sabana yaku nadua.

2 Korintus 12:5

Masipato yaku mangoe karo ntona ivehaitu sabana anu nikitana, tapi ledo kuoe karoku mboto. Yaku aga madota mangoe anu nompakalanto kalenteku.

2 Korintus 11:21

Ledo naeya mata kami nanguli kami ledo mabia mokainggu ivesia nte komiu! Tapi ane maria tona mabia mangoe karora mboto, yaku muni mabia mangoe karoku mboto! Yaku notesa mpo todoyo!

2 Korintus 10:7

Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.

2 Korintus 10:2

yaku mpuu-mpuu merapi: nee sampe da maria komiu manjauru kuasaku najadi suro i Yesus, ala ledo paraluu yaku marau tempo yaku makava ri situ nte komiu. Apa nasadia mami yaku mangonteaka tona nanguli kami nokainggu mpo tona ledo nosisani nte Alatala.

2 Korintus 7:4

Ledo nakaja raraku notesa pakalanto ka komiu. Nadamba mpuumo raraku nantora komiu. Nau nadeamo susa bo pari nambela kami, hitupa narosomo raraku bo nelabi kadamba raraku nantora komiu.

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

Roma 15:15

Tapi naupa ivesia, nabia yaku notulisi bara sako-ngaya ka komiu pangane. Patujuku mompopatora komiu, sabana haitumo pokarajaa nidekei nu Alatala ka yaku lako ri kabelo raraNa.

Roma 10:20

Naupu sia, Nabi Yesaya nabia nompasimbayu tesa nu Alatala ivei: <> Yesaya 65:1

Suro-Suro 8:32

Hitumo tesa-tesa lako ri buku Nabi Yesaya nibacana haitu: Ia mpo bimba niumbu rakeni rasambale, mpo ana bimba ledo nombee nigau buluna. Ivesia muni ia ledo ntoto ria sambelaa notesa.

Matius 21:5

Ulimo ka tupu ngata Sion, “Peinta! Ritumo magaumiu makava nte komiu! Ia naede rarana, Ia nesavi keledai, ana nu keledai.” Yesaya 62:11; Zakharia 9:9

1 Korintus 4:21

Jadi ane yaku tou nte komiu ri situ, umbana rapokonomiu? Paraluu yaku makava mompokarau komiu apa pokainggumiu dopa nabali? Atau yaku makava ante lusu rara bo asi mata apa nibalikimiumo pokainggumiu?

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Filipi 4:5

Kusarumaka pura-pura tona manggita kabelo raramiu. Toramo! Domo masae makava i Pue Yesus.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Filemon 1:19

Yaku i Paulus, notulisi tesa hitu ante paleku mboto. Yaku mombabayari indana pura-pura ka iko. Kakanana iko mboto noinda nte yaku sabana lako nte yaku sampe iko nanggava katuvua nabaru.