2 Korintus 1:1 - Kaili Ledo

¹ Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

2 Korintus 1:1 Referans Kwoze

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Filipi 1:1

Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

1 Korintus 16:10

Ane makava ri situ i Timotius, tarimamiu mabelo ia ala matinda rarana monturo nte komiu, apa ia muni nantui pokarajaa i Pue Yesus nasimbayu mpo yaku.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Suro-Suro 16:1

I Paulus bo i Silas nompapola polipara hau ri ngata Derbe, pade napola hau ri ngata Listra. Ri sia naria saito topangoseaka i Yesus nosanga i Timotius. Tinana toYahudi anu nomparasaya i Yesus munimo. Tapi tuamana toYunani.

Ibrani 13:23

Kana rasanimiu, sampesuvuta i Timotius nikabasakamo lako ri tarunggu. Ane masalisa ia tumai nte yaku, kukeni ia mosanggani-nggani nte yaku tou mosinggava nte komiu.

2 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Tuamata Alatala bo Tuputa Yesus Kristus mombadekei belo bo katinonto ka komiu.

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

2 Korintus 11:10

Ledo ria saitoa ri propinsi Akhaya mamala nombatagi yaku mantoiya pokaingguku haitu! Pepatuduki i Kristus anu naria riara ntaiku nakana. Ivesia muni tesaku hitu nakana!

2 Korintus 9:2

Nisanikumo kaoge raramiu mombatulungi ira. Nitoiyaku komiu ri ngayo ntoMakedonia. Niulikuka ira, lako ri mpae naliu komiu toAkhaya nasadiamo mompakatu pedekeimiu. Kadidi raramiu nombadekei, mpuu-mpuu nompakadidi rarara sampe ira muni nadea nadota nombadekei doi petulungi.

1 Korintus 16:15

Sampesuvu-sampesuvu, natantu nisanimiumo i Stefanus sambanua. Ira tona pamulana nomparasaya i Yesus ri propinsi Akhaya, bo ira nompasimbuku ante mpuu-mpuu rarara mantulungi todea nu Alatala. Jadi sampesuvu-sampesuvu, kuperapi nte komiu ante mpuu-mpuu raraku,

1 Korintus 10:32

Nee sampe pokainggumiu manggeni tona ntanina manavu riara dosa, nau toYahudi nau tona ledo toYahudi, nau todea topomparasaya Alatala.

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

Roma 16:5

Pakavote muni tabeku ka todea topomparasaya anu nodade ri banuara. Pakavote tabeku ka i Epenetus nipotoveku. Iamo tona paratama nomparasaya i Yesus Kristus ri propinsi Asia.

1 Korintus 16:24

Yaku nompotove komiu pura-pura anu nosangu rara ante i Yesus Kristus. Tabe lako nte yaku, I Paulus

2 Korintus 1:19

Apa i Yesus Kristus ledo nabali-bali. Iamo Ana nu Alatala anu nipatolele kami i Silas bo i Timotius ka komiu. Ia ledo nebalingoya, ledo sanggani nanguli, “Iyo”, bo sanggani nanguli, “Ledo.” TesaNa bate-batena namala raparasaya.

2 Korintus 1:23

Sampesuvu-sampesuvu, yaku ledo nodava. Alatala sabiku. NisaniNa isi rara ntaiku bo nisaniNa yaku ledo nanjili ri ngata Korintus mompelioda komiu sabana ledo nipokonoku makasara mangonteaka komiu bo mompakasusa raramiu.

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

Filemon 1:1

Filemon, sampesuvu nipotove kami bo roa kami sampokarajaa: Sura hitu lako nte yaku, i Paulus, anu nitarunggu sabana nompatolele kareba i Yesus Kristus, bo lako nte i Timotius sampesuvuta sampomparasaya. Sura hitu nitulisi ka iko,