1 Yohanes 5:13 - Kaili Ledo

¹³ Yaku notulisi sura hitu ka komiu topomparasaya Ana nu Alatala, ala rasanimiu mpuu komiu matuvu mabelo sampe ri kasae-saena.

1 Yohanes 5:13 Referans Kwoze

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 1:12

Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

Yohanes 3:18

Isema-sema nomparasaya Ana nu Alatala haitu ledo rahuku. Tapi isema-sema ledo nomparasaya, nihuku nu Alatalamo sabana ledo niparasayara Ana nu Alatala saito-itoNa haitu.

1 Yohanes 2:21

Yaku notulisi sura hitu ka komiu ledo sabana ledo nisanimiu pepatuduki nakana. Nisanimiumo pepatuduki nakana. Bo nisanimiu munimo ledo naria dava riara pepatuduki nakana.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

1 Yohanes 5:10

Isema-sema nomparasaya Ana nu Alatala, nisanina nakana mpuu posabi nu Alatala. Tapi isema-sema ledo nomparasaya Alatala, batuana ia nompopodava Alatala sabana ledo niparasayana posabi nu Alatala nombatesa AnaNa.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

1 Yohanes 1:4

Kami notulisi sura hitu ka komiu ala rarata mpuu-mpuu madamba.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.

1 Yohanes 2:26

Tesa hitu nitulisiku ka komiu apa bali-bali i Kristus nompasimbuku mompatuduki anu nasala ka komiu.

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Yohanes 21:24

I Yohanes hii anaguru nitesa ri bavona, iamo nanggita bo notesaki kajadia haitu. Bo ia muni notulisi kajadia haitu riara buku hitu. Bo nisanita anu nitesana haitu mpuu-mpuu nakana.

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

1 Yohanes 2:25

Hitumo nijanjiNa ka kita: Kita matuvu mabelo sampe ri kasae-saena.

1 Yohanes 4:9

Alatala nompopaisani toveNa ka kita ivei: nituduNa AnaNa saito-itoNa tumai ri dunia ala kita mamala matuvu mabelo sampe ri kasae-saena.

1 Yohanes 5:11

Iveimo posabi nu Alatala: nidekeiNa ka kita katuvu nabelo sampe ri kasae-saena, bo AnaNa, i Yesus puna nu katuvu nabelo.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.