1 Yohanes 4:21 - Kaili Ledo

²¹ Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”

1 Yohanes 4:21 Referans Kwoze

1 Yohanes 3:11

Iveimo kareba niepemiu lako ri pantepuuna pomparasayamiu i Kristus: kita kana mosimpotove.

1 Tesalonika 4:9

Sampesuvu-sampesuvu, ledo paraluu kutulisi ka komiu posimpotove sampesuvu sampomparasaya, sabana Alatala mbotomo nompatuduki komiu mosimpotove.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

Galatia 5:14

Naria parenta nanguli ivei: “Potovemo singgamanusiamiu nasimbayu mpo pompotovemiu karomiu mboto.” Ane raoseakamiu parenta sangu hitu, nasimbayu mpo nioseakamiu pura-pura Atura agama.

Yohanes 15:12

Ivei parentaKu: posimpotovemo, masimbayu mpo Yaku nompotove komiu.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 3:14

Ane kita nompotove sampesuvuta, nisanita kita domo rapopogaa lako nte Alatala bo nikavatamo katuvua nabelo sampe ri kasae-saena. Tapi isema-sema ledo nompotove sampesuvuna sampomparasaya, ia kana rapopogaa lako nte Alatala.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

Lukas 10:37

Nesana guru agama, “Tona naasi matana nantulungi tona haitu.” Nanguli i Yesus, “Koimo, bo povia ivesia muni!”

1 Yohanes 4:11

Sampesuvu-sampesuvu nipotoveku, naoge mpuu tove nu Alatala ka kita! Jadi kita muni kana mosimpotove.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

1 Yohanes 3:18

Sampesuvu-sampesuvu nipotoveku, nee aga mompotove sampesuvuta sampomparasaya ri sumba. Kita kana mompotove mpuu bo kita kana mompopakita tove haitu ante pokainggu nabelo.

Matius 5:43

“Niepemiu pepatuduki nggaulu nanguli ivei: ‘Potovemo roamiu bo povuu matamo balimiu.’

1 Yohanes 2:7

Sampesuvu-sampesuvu nipotoveku, ledo parenta nabaru kutulisi ka komiu, tapi parenta njae anu nisanimiu lako ri pantepuuna pomparasayamiu i Kristus. Parenta njae haitu kareba niepemiu nokolu, haitumo, kita kana mosimpotove.