Biblia Todo Logo
Bib sou entènèt

- Piblisite -




1 Yohanes 4:17 - Kaili Ledo

17 Ane kita nompotove sampesuvuta sampomparasaya, haitumo tandana kita mpuu-mpuu nompotove Alatala sampe ledo makaja rarata mantingayo Ia ri Eo Potangara ri kaupu dunia. Ledo makaja rarata mantingayo Ia sabana pokaingguta ri dunia hitu masimbayu mpo pokainggu i Kristus.

Gade chapit la Kopi




1 Yohanes 4:17
25 Referans Kwoze  

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.


Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.


Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.


Tapi isema-sema nangoseaka parenta nu Alatala, tona haitumo mai mpuu-mpuu nompotove Alatala. Haitumo tandana kita mpuu-mpuu natuvu nosangu rara ante Alatala.


Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.


Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.


Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.


Sii-sii ledo nikitata anu nabali tapi langi bo tana anu naria sii-sii nijagai ante kuasa tesa nu Alatala sampe rapakaropu ante apu bara maipia. Sii-sii dunia da nijagai sampe Eo Potangara bara maipia tempo pura-pura tona anu ledo nangoseaka dota nu Alatala rahuku.


Jadi lako ri tesa pangane, nisanita Alatala nompakule mompakasalama topangoseaka dotaNa tempo ira manggava pesori. Bo nipakuleNa muni mombatavani tona nadaa sampe ira rahuku ri Eo Potangara.


Lako rahaitu nisanita pomparasaya Nabi Abraham nasinggeni ante pokaingguna, bo pokaingguna haitu nompakalanto ia mpuu-mpuu nomparasaya.


Jadi pariaramo! Ri Eo Potangara bara maipiapa, pura-pura tona kana ratangguna mboto pura-pura tesana ledo noguna niulira.


Jadi pariaramo! Ri Eo Potangara bara maipia mandasapa pehuku rapambela ka komiu pade pehuku rapambela ka tupu ngata Sodom!”


Pariaramo! Tempo Alatala mombatangara manusia bara maipia, pehuku ka komiu melabipa kantamona pade pehuku ka toponturo ri ngata Tirus bo Sidon.


Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”


Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”


Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala.


NidekeiKu ka iramo kaoge nidekeiMiu ka Yaku ala ira mosangu rara nasimbayu mpo Kita muni nosangu rara.


Alatala nompakatantu manusia mamate aga sanggani, bo maupu haitu ratangara.


Isema-sema nanguli ia natuvu nosangu rara ante Alatala, kana rapasialana katuvu i Kristus.


Sampesuvu-sampesuvu nipotoveku, nee rapaloga tona mombabagiu komiu. Toramo! Isema-sema batena novia dota nu Alatala, iamo tona nanoa ri panggita nu Alatala nasimbayu mpo i Kristus nanoa ri panggita nu Alatala.


Swiv nou:

Piblisite


Piblisite