1 Yohanes 3:4 - Kaili Ledo

⁴ Isema-sema novia dosa, ia muni nombaliunaka parenta nu Alatala, sabana pokaingguna nombaliunaka parenta nu Alatala, haitumo niuli dosa.

1 Yohanes 3:4 Referans Kwoze

1 Yohanes 5:17

Pura-pura pokainggu nasala niuli dosa. Tapi naria muni dosa anu ledo nompopogaa tona lako nte Alatala sampe ri kasae-saena.

Roma 3:20

Ledo ria saitoa tona majadi manoa ri panggita nu Alatala sabana nangoseaka Atura-atura agama. Apa Atura haitu aga nompopaisani ka kita pura-pura manusia nadosa.

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Yakobus 5:15

Ane ira mosambaya bo mpuu-mpuu momparasaya, Tupu mompakabelo dua ntona haitu. Bo ane maria dosa nipoviana, Tupu mombaampungi ia.

Matius 5:19

Jadi, isema-sema nombaliunaka nau aga sambela lako ri parenta riara Atura-atura haitu, nau parenta anu nakodi ntoto, bo mompatuduki tona ntanina mombaliunaka muni, ia rareke tona nelabipa kakodina riara Poparenta nu Alatala. Tapi isema-sema nangoseaka Atura-atura haitu bo nipatudukina ka tona ntanina mangoseakana muni, iamo rareke tona nelabi kaogena riara Poparenta nu Alatala.

Suro-Suro 23:3

Nanguli i Paulus ka i Ananias, “Komiu mboto kana rasapa nu Alatala! Komiu aga nabelo ri sumba. Komiu nonturo ri situ mombatangara yaku nantuntuni Atura-atura agama anu nipapola Nabi Musa, tano komiu mboto nombaliunaka Atura-atura haitu apa nitudumiu tona mombasapa yaku.”