1 Yohanes 3:24 - Kaili Ledo

²⁴ Isema-sema nanturusi parenta nu Alatala, iamo natuvu nosangu rara ante Alatala bo Alatala muni nonturo riara ntaina. Bo nisanita Alatala nosangu rara ante kita sabana Nosa Gasa nidekeiNa naria riara ntaita.

1 Yohanes 3:24 Referans Kwoze

1 Korintus 3:16

Sampesuvu-sampesuvu, ledo nisanimiu komiu nasimbayu mpo banua niponturo nu Alatala? Bo Nosa GasaNa nonturo ri tatangamiu.

2 Timotius 1:14

Pepatuduki haitumo kakalumana niparasaya nu Alatala ka kita. Jadi ante petulungi Nosa Gasa anu naria riara ntaita, jagaimo pepatuduki haitu. Nee radekei rabaliki ntona.

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

1 Korintus 6:19

Ledo nisanimiu karomiu nasimbayu mpo banua petupu anu niponturo Nosa Gasa nu Alatala? Ia natetida riara ntaimiu. Alatala mboto nombadekei Nosa Gasa ka komiu. Iamo Tupu nu karomiu, ledo komiu mboto tupuna.

1 Yohanes 4:7

Sampesuvu-sampesuvu nipotoveku, kita kana mosimpotove sabana tove nopuna lako nte Alatala. Isema-sema nepotove, iamo ana nu Alatala, bo nosisani belo ante Alatala.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

1 Yohanes 3:22

Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 14:17

Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Yohanes 2:3

Ane raoseakata parenta-parenta nu Alatala, haitumo tandana kita nosisani belo ante Ia.

1 Yohanes 2:5

Tapi isema-sema nangoseaka parenta nu Alatala, tona haitumo mai mpuu-mpuu nompotove Alatala. Haitumo tandana kita mpuu-mpuu natuvu nosangu rara ante Alatala.

1 Yohanes 2:24

Jadi pariaramo pakabelo-belo pepatuduki niepemiu lako ri pantepuuna pomparasayamiu i Kristus. Ane pepatuduki haitu mpuu-mpuu rapariaraimiu, komiu bate-batena matuvu mosangu rara nte Ana nu Alatala bo Alatala, TuamaNa.