1 Yohanes 3:15 - Kaili Ledo

¹⁵ Isema-sema navuu matana nanggita sampesuvuna, ia haitumo nasimbayu ante topepatesi. Nisanimiumo, topepatesi ledo manggava katuvua nabelo sampe ri kasae-saena.

1 Yohanes 3:15 Referans Kwoze

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Suro-Suro 23:14

Hau ira ri ngayo balengga-balengga ntopanggeni pesomba bo totua-totua ntoYahudi bo nanguli, “Kami hii nosumpa puramo, kami dopa mangande dopa manginu, ane dopa rapatesi kami i Paulus!

Yakobus 1:15

Ane dota pompekirina nadaa haitu raoseakana, ia madosa. Ane ia batena movia dosa, ia mamate bo rapopogaa lako nte Alatala sampe ri kasae-saena.

Suro-Suro 23:12

Naeo mpadondo, nelabi patapulu toYahudi nonia mompatesi i Paulus. Ira pura-pura nosumpa ane dopame rapatesira i Paulus, dopa mangande, dopa manginu.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Markus 6:19

Bo nadua mpuumo rara i Herodias nanggita i Yohanes. Ia madota i Yohanes rapatesi tapi ledo najadi,

Matius 5:28

Tapi Kuuli ka komiu, isema-sema mombalele mata manggita mombine bo madota mompogau ia, natantu tona haitu nireke nombabualoni mombine haitu riara pekirina.

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

1 Yohanes 2:9

Isema-sema nanguli ia natuvu riara reme tapi navuu matana nte sampesuvuna sampomparasaya, tona haitu bate-batena da riara kalandana sampe sii-sii.

1 Yohanes 2:11

Tapi tona navuu matana nte sampesuvuna sampomparasaya, ia batena naria riara kalandana. Ia nasimbayu mpo tona nolipa riara kalandana, bo ledo nisanina hau ri umba rakalauna sabana kalandana haitu nompakaburo matana sampe ia ledo namala nekita.