1 Yohanes 3:13 - Kaili Ledo

¹³ Jadi sampesuvu-sampesuvuku, nee mokumaa ane tona ledo nomparasaya i Yesus navuu matara nanggita komiu.

1 Yohanes 3:13 Referans Kwoze

Yohanes 17:14

NipasimbayuKu ka iramo tesaMiu sampe tona riara dunia hitu navuu matara nanggita anaguruKu. Sabana, anaguruKu haitu ledo nosangu pekiri ante ira, nasimbayu mpo Yaku muni ledo nosangu pekiri ante tona haitu.

Lukas 21:17

Komiu rapovuu mata ntodea, sabana komiu nangoseaka Yaku.

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.

Markus 13:13

Komiu rapovuu mata ntodea sabana komiu nangoseaka Yaku. Tapi isema-sema naroo pomparasayana sampe ri kaupuna, ia kana rapakasalama nu Alatala.>>

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Yohanes 7:7

apa ledo ria tona navuu matana nte komiu. Tapi Yaku nipovuu mata ntona nadaa ri dunia hitu sabana Yaku nantuenaka pokainggura nadaa.

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 3:7

Jadi nee mahera ane Kuuli ka komiu, komiu kana rapoanaka mpanjili.

Pompakita 17:7

Bo nangulimo malaeka haitu ka yaku, “Nakuya iko nokumaa nanggita mombine haitu? Kupakalanto ka iko anu nirapaka mombine haitu bo binata nipesavina anu nobalengga papitu bo notandu sapulu.