1 Yohanes 3:12 - Kaili Ledo

¹² Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.

1 Yohanes 3:12 Referans Kwoze

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Yudas 1:11

Mandasa mpuu ira! Nipasialara katuvu i Kain nggaulu anu nasiriati bo navuu matana nte tueina. Nipasialara ntoto sala i Bileam anu nasadia movia nuapa-nuapa asaa manggava doi. Bo pangevara Alatala nasimbayu mpo peeva i Korah nggaulu, sampe ira muni masipato rahuku nu Alatala.

Lukas 11:51

Nompamula lako ri pompatesi i Habel sampe ri pompatesi i Zakharia anu najadi ri doyata Banua nu Alatala ri olo nu lanta pesomba bo Banua nu Alatala. Parasayamo! Komiu natuvu sii-sii mpuu-mpuu rahuku sabana pokainggu ntotuamiu!

Matius 23:35

Haitumo sampe komiu natuvu sii-sii mombatanggu pura-pura raa ntonoa nipatesi, nompamula lako ri pompatesi i Habel anu ledo nasala, sampe pompatesi i Zakharia, ana i Berekia. Ia nipatesi ntotuamiu ri olo Banua nu Alatala bo lanta pesomba.

1 Petrus 4:4

Tapi sii-sii nahera roa-roamiu sabana komiu domo nangoseaka ira nompebasa nokainggu nadaa ante ledo ria rekena, bo haitumo sabana nisalaira komiu.

Ibrani 12:24

Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Matius 27:23

Nekutana vai i Pilatus, “Nakuya? Nuapa salaNa?” Tapi ira aga nongare ante suara neliu kamanggana, “Paku Ia ri kayu salib!”

Matius 13:38

Dunia nirapaka talua haitu. Tona anu najadi todea riara Poparenta nu Alatala nirapaka savua tobelona. Bo topangoseaka Magau nu Seta nirapaka jono.

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Pompakita 17:6

Bo nikitaku mombine haitu nalangu sabana nanginu raa ntodea nu Alatala. Batuana, nadidi rarana nompatesi tona nomparasaya i Yesus bo nompatolele karebaNa. Nokumaa mpuu raraku nanggita mombine haitu.

1 Tesalonika 2:14

Sampesuvu-sampesuvu, nisani kami Alatala nokarajaa riara nggatuvumiu apa pepandasa nirasai ntodea nu Alatala anu nomparasaya i Yesus Kristus ri bagia Yudea, nirasaimiu munimo. Komiu nipandasa roamiu sangata, nasimbayu mpo pepandasa roara simbo toYahudi anu ledo nomparasaya i Yesus.

Matius 5:37

Tapi ane patujumiu iyo, ulimo iyo, bo ane patujumiu ledo, ulimo ledo. Ledo nabelo mompakaroso tesa ante mosumpa sabana pokainggu eva haitu nopuna lako ri Magau nu Seta.”

Yohanes 8:40

Yaku nompasimbayu ka komiu pepatuduki nakana anu niepeKu lako nte Alatala, tapi komiu aga nompasimbuku mompatesi Yaku. Ledo ivesia pokainggu i Abraham!

Yohanes 8:41

Pokainggumiu tu nanjava pokainggu ntuamamiu mboto!” Nesana vaimo ira, “Kami ledo ana vone! Tuama kami aga saito, haitumo Alatala.”