1 Timotius 6:6 - Kaili Ledo

⁶ Nakana mami, ane noagama kita, naoge mpuu belo rakavata, asaa naosa rarata ante anu naria nte kita.

1 Timotius 6:6 Referans Kwoze

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

1 Timotius 6:8

Jadi ane maria kandeata bo pakeata, kana maosamo rarata.

1 Timotius 4:8

Ane kita mompakaroso karota aga sakide gunana. Tapi ane kita mompakaroso rarata matuvu ante pokainggu nompakadamba Alatala, nadea mpuu gunana riara mpengaya-ngaya. Apa rakavata katuvu mabelo anu nijanji nu Alatala, nompamula sii-sii sampe ri kasae-saena.

Filipi 1:21

Apa, ane yaku matuvu, patujuku mompakaoge i Kristus, bo ane yaku mamate, nelabi belona ka yaku!

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

Lukas 3:14

Naria muni tantara-tantara nakava nekutana nte i Yohanes, “Berimba nte kami? Nuapa masipato rapovia kami?” Nesana i Yohanes, “Tumo momparangga tona bo nee raagosimiu doina. Nee raelomiu nelabi lako ri gajimiu. Naganamo gajimiu.”

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

Lukas 12:15

Pade nanguli i Yesus ka todea, “Pakabelo-belo! Nee madamba gaga raramiu ante mbara-mbara, sabana naupa mbara-mbaramiu nadea ledo haitu mompakajadi katuvumiu mabelo.”