1 Timotius 6:21 - Kaili Ledo

²¹ Naria tona nangoseaka tesa haitu sampe nasalandalamo, bo domo nangoseaka pepatuduki nakana. Kuperapi Tupu mombadekei belo ka komiu pura-pura. Amin. Tabe lako ri nte yaku, Paulus

1 Timotius 6:21 Referans Kwoze

2 Timotius 2:18

Ira nasalandalamo lako ri pepatuduki nakana bo aga nompakagero pomparasaya ntona. Niulira naliumo pompakatuvu mpanjili tona namate. Pepatudukira haitu ledo ntoto nakana.

1 Timotius 1:19

Pakaroso pomparasayamu, bo iko kana bate-batena movia anu nisanimu nabelo ala iko ledo rasalai nu pekirimu. Naria bara sako-ndua tona domo nompeili anu nisanira nabelo rapoviara, sampe nageromo pomparasayara,

Kolose 4:18

Tabe lako nte yaku, i Paulus. Bagia hitu nitulisi ante paleku mboto. Toramo, yaku da nitarunggu. Kuperapi Alatala bate-batena mabelo nte komiu pura-pura. Tabe lako nte yaku, Paulus

Ibrani 13:25

Kuperapi Tupu mombadekei belo ka komiu pura-pura.

Titus 3:15

Nadea tabe lako nte pura-pura sampesuvuta anu naria nte yaku ri sii. Pakavote tabe kami ka sampesuvuta sampomparasaya ri situ anu nompotove kami. Kuperapi Alatala bate-batena mabelo nte komiu pura-pura. Tabe lako nte yaku, Paulus

2 Timotius 4:22

Kuperapi i Pue Yesus momporoa iko, Timotius. Kuperapi Ia bate-batena mabelo nte komiu pura-pura. Tabe lako nte yaku, Paulus

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

1 Timotius 1:6

Naria bara sako-ndua tona domo nangoseaka pepatuduki haitu. Ira nasalandala lako ri pepatuduki nakana bo aga nosinjanaika anu ledo ria gunana.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]