1 Timotius 5:6 - Kaili Ledo

⁶ Tapi timbala anu natuvu aga nompesana-sana, ia mpo tomate, nau karona da natuvu.

1 Timotius 5:6 Referans Kwoze

Yakobus 5:5

Komiu nasimbayu mpo japi nipakaboya rasambale. Katuvumiu ri dunia nelabi kaganana bo doimiu aga nipakemiu nompebasa masana-sana ri dunia hitu. Tapi kaupuna komiu rahuku.

Pompakita 18:7

Pakasadia ka ira pepandasa bo kasusa masipato nte pokainggura nompakalanga rara bo mompebasa-basa kasana karora mboto. Sabana, ira bate-batena notesa riara ntaira ivei: ‘Yaku hii natuvu mpo madika. Yaku ledo timbala, bo yaku ledo ntoto mombarasai kasusa bo kapari.’

Pompakita 3:1

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Sardis ivei: “Hitumo tesa lako nte Yaku anu nombakuasai papitu Nosa nu Alatala bo anu nantipale pitu-angu betue. NisaniKumo pura-pura pokainggumiu. Komiu nireke ntona topomparasaya naroso, tano pomparasayamiu haitu namatemo.

Lukas 15:24

sabana anaku hitu, mamala raulita namatemo, tapi siipa natuvu mpanjilimo. Ia nalipomo, tapi siipa nikava mpanjilimo.’ Jadi nipoviara posusa, bo nadamba-damba.

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Efesus 5:14

Bo pura-pura anu rapakalanto ivesia, mabali majadi mareme. Haitumo batuana tesa niuli ivei: “Pembangumo komiu anu namonjo. Pembangumo lako ri tatanga ntomate, Bo reme i Kristus mombavanta komiu.”

Efesus 2:1

Sampesuvu-sampesuvu, dopame komiu nomparasaya i Kristus, komiu nireke namate sabana komiu batena nadosa bo nombaliunaka parenta-parenta nu Alatala.

Lukas 15:13

Bara sako-eo kaliuna, ngana kaupu haitu nompobalu bagiana pura-pura, bo hau ri ngata nakavao. Hamai ia nompakaupu doina nggoo-nggoo, natuvu nompesana.

Matius 8:22

Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Kolose 2:13

Bara ipia dopame komiu nomparasaya i Kristus, komiu nireke namate sabana komiu nadosa bo ledo nangoseaka atura-atura nu Alatala. Tapi sii-sii, Alatala nompakatuvu komiu nosanggani-nggani nte i Kristus, bo pura-pura dosamiu niampungiNamo.

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

Lukas 12:19

Maupu haitu domo mokarajaa yaku, apa nadea mpuu mbara-mbara niboliku, madea mpae pade maupu. Jadi mamala yaku motondodo-ndodo, mangande, manginu bo matuvu masana.’

Lukas 7:25

Tantu ledo! Jadi hau manggita nuapa komiu? Bara manggita tona nobaju nagaya? Tantu ledo, apa tona nobaju nagaya bo nagana mpengaya katuvuna, aga nonturo ri banua magau.

Lukas 16:19

I Yesus nompapola tesaNa ante porapa hitu: “Naria saito tona nakalumana, pakeana mpo pakea nu magau nasuli mpuu alina. Katuvuna eo-eo mpo toposusa.

2 Timotius 3:6

Sanu ira nanggeni pepatuduki ledo nakana hau ri banua ntona, bo niopara mombine-mombine nadoyo anu nadea dosara bo nikuasai mpengaya dota rara nadaa.