1 Timotius 5:3 - Kaili Ledo

³ Bilamo bo tulungimo timbala-timbala anu mpuu-mpuu ledo ria tona nompeili ira.

1 Timotius 5:3 Referans Kwoze

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

1 Petrus 2:17

Bilamo pura-pura tona. Potovemo sampesuvumiu sampomparasaya. Pekoumo nte Alatala bo bilamo magau!

1 Petrus 3:7

Ivesia muni komiu totua-totua langgai. Komiu kana matuvu mosanggani-nggani ante bereimiu ante pokainggu nanoto. Toramo, mombine ledo nasimbayu karosona ante langgai. Bilamo ira sabana ira muni nidekeika nu Alatala katuvua nabelo sampe ri kasae-saena nasimbayu mpo komiu langgai. Bilamo ira ala ledo maria nuapa-nuapa mombalava posambayamiu.

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.

1 Tesalonika 2:6

Kami ledo muni mbeki ratoiya ntona, bara komiu bara tona ntanina. Kakanana masipato kami merapi nte komiu, sabana kami mpuu-mpuu suro i Kristus.

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Lukas 7:12

Tempo i Yesus napara ri bobaa mesua rangata, nikitaNamo topokova tomate nesuvu lako riara ngata haitu. Tomate haitu ngana langgai, saito-itona ana ntimbala. Nadea muni tona lako ri ngata haitu nomporoa timbala haitu.

Lukas 2:37

natimbalamo ia. Nau natimbalamo, ledo nipalaisina Banua nu Alatala. Eo bongi ia netupu nte Alatala ante nosambaya bo nopuasa. Tempo haitu i Hana noumuru valupulu bo pata-mpaemo.

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

1 Timotius 5:2

Popatoramo mombine natuakapa pade iko nasimbayu mpo tinamu mboto. Popatoramo mombine namuda nasimbayu mpo pompatudukimu ka tueimu mboto, bo pakabelo ala pokainggumu bo pekirimu masipato.

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”