1 Timotius 4:6 - Kaili Ledo

⁶ Ane mupatuduki pura-pura haitu pangane ka sampesuvuta sampomparasaya, iko majadi topokarajaa nabelo ka i Yesus Kristus. Bo iko mompakaroso raramu mboto ante Tesa nu Alatala anu niparasayata, bo ante pepatuduki nakana anu nioseakamu sampe sii-sii.

1 Timotius 4:6 Referans Kwoze

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Titus 2:1

Iko, Titus, kana mompatuduki anu nosinggambela ante pepatuduki nakana ka tona.

Kolose 4:7

Sampesuvu-sampesuvu, ane makava i Tikhikus nte komiu, ratesana ka komiu pura-pura anu najadi nte yaku ri sii. Ia sampesuvuta sampomparasaya nipotoveta. Ia muni natutu nokarajaa ka Tupu bo ia roaku sampokarajaa nantulungi todea topomparasaya.

Matius 13:52

Jadi nanguli i Yesus ka ira, “Ane guru agama Yahudi majadi topangoseaka Yaku riara Poparenta nu Alatala, nisanina pepatuduki nu Atura nu Alatala nasae bo nisanina muni pepatuduki nabaru. Ia nasimbayu eva tupu banua anu nombasuvuraka lako ri kakalumana mbara-mbara nabaru bo mbara-mbara nasae.”

Yudas 1:5

Nau nisanimiumo pura-pura hitu, kana kupopatora ka komiu pehuku nu Alatala ka tona novia nadaa. Nggaulu, Tupu nombakabasaka todeaNa toYahudi lako ri tana Mesir. Tapi naupu sia, naria sanu ira ledo nomparasaya sampe nipatesiNamo ira ri karava bai.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

2 Timotius 4:3

Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.

2 Timotius 3:10

Tapi, Timotius, nisanimumo yaku ledo nasimbayu nte tona pangane. Nipariaramumo pepatudukiku, nipasialamumo pokaingguku bo patuju katuvuku. Nisanimumo pomparasayaku, posabaraku, pepotoveku bo pantidamakaku riara kasusa.

2 Timotius 1:6

Sabana haitu, kupopatora ka iko, iko kana mpuu-mpuu mompake pompakule nidekei nu Alatala ka iko tempo yaku nosambaya nombadika paleku ri karomu bara ipia.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

1 Timotius 1:10

Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

Kolose 2:19

Tona haitu domo nanjarumaka i Kristus. Tano mai, i Kristusmo nirapaka Balengga ntopomparasaya, bo kita anu nomparasaya nirapaka karoNa. I Kristusmo nompiara karoNa bo nompopakasangu todeaNa nasimbayu mpo uva bo oyu nipasiumpu bo nompoposidumpa buku-buku majadi sangu karo. Jadi Iamo nanggeniaka karoNa, haitumo todeaNa, nantambai naroso, nangoseaka dota nu Alatala.

Filipi 3:16

Tapi anu nisanitamo kana batena raoseakata.

Efesus 6:21

Dotaku ala rasanimiu berimba katuvuku ri sii. Jadi haitu sampe nituduku i Tikhikus tou nte komiu. Ia sampesuvuta nipotoveku anu natutu nantulungi pokarajaa nTupu.

2 Korintus 6:4

Nau bara nuapa-nuapa najadi, kami batena nokainggu nabelo ala malanto kami mpuu-mpuu batua nu Alatala. Kami batena nosabara naupa kami nombarasai mpengaya pepandasa bo kasusa.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

Roma 15:15

Tapi naupa ivesia, nabia yaku notulisi bara sako-ngaya ka komiu pangane. Patujuku mompopatora komiu, sabana haitumo pokarajaa nidekei nu Alatala ka yaku lako ri kabelo raraNa.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Lukas 1:3

Jadi naupu yaku nomparesa pura-pura kajadia haitu pakabelo-belo, nompamula lako ri pantepuuna, nipekiriku nabelopa ane yaku muni motulisi makana sunju ka komiu.

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

2 Korintus 11:23

Batua i Kristus ira? Tesaku hitu eva tesa ntogila! Yaku batua i Kristus anu nelabi nabelopa pade ira! Nantamopa pokarajaaku pade pokarajaara! Nasaropa yaku nisuaraka riara ntarunggu pade ira! Yaku nicambu pakandasapa pade ira, bo nadea ngganimo yaku sakidepa namate!

Filipi 2:20

Kutudu ia sabana ledo ria roaku ntanina ri sii nosangu pekiri nte yaku bo mpuu-mpuu nompekirika kabelomiu.

Filipi 2:22

Nisanimiu mbotomo i Timotius namala raparasaya. Ia nokarajaa ntamo nosanggani-nggani ante yaku nompatolele Kareba Belo nasimbayu mpo ngana nantulungi tuamana.