1 Timotius 3:8 - Kaili Ledo

⁸ Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

1 Timotius 3:8 Referans Kwoze

Filipi 1:1

Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

1 Timotius 5:23

Tumo aga uve nggoo muinu, tapi inu muni sakide uve anggur ala mompakulisi tailikomu, apa iko nasaro nadua.

1 Timotius 3:3

Ia ledo tolangu, bo ledo toposibaga. Tapi ia kana nalusu rarana bo natuvu nosinggabelo. Ia ledo muni aga nadoko ka doi.

Yakobus 3:10

Lako ri sumba nesuvu posukuru bo tesa-tesa pepindasi. Sampesuvu-sampesuvuku, ledo masipato dilata mombasovadaka singgani-nggani anu nabelo bo anu nadaa.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

1 Timotius 3:12

Topotulungi pakeni ntopomparasaya kamba saito bereina. Kana rapakulena mompasiayu pakabelo anana bo tona ri banuana mboto.

1 Petrus 5:2

ala komiu mompiara todea nu Alatala anu niparasayaka komiu, nasimbayu mpo topoevu nompiara bimba-bimbana. Piaramo ira ante damba rara, nangoseaka dota nu Alatala, nemo mpo tona nipasuu. Bo nee aga mangelo untu ka karomiu mboto, tapi tuimo pokarajaa haitu sabana komiu mpuu-mpuu madota mantulungi todea topomparasaya.

Roma 3:13

Tesa-tesara nadaa mpuu, nasimbayu mpo soa dayo ntomate nateungge. Tesa pebagiu nesuvu lako ri sumbara. Tesara nombagerosi tona ntanina nasimbayu mpo peteo nu ule nobisa. Mazmur 5:10, 140:4

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.