1 Timotius 2:15 - Kaili Ledo

¹⁵ Tapi naupa ivesia, ane mombine maroo momparasaya i Yesus, mompotove tona ntanina, bo matuvu nte pokainggu nabelo bo masipato, ia rapakasalama tempo moana.

1 Timotius 2:15 Referans Kwoze

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Timotius 2:9

Ivesia muni mombine. Ira kana mobaju masipato bo moada. Nee mompengaya-ngaya bulua. Nee mombavera karo ante ramba-ramba nasuli mpo bulava, mutiara bo baju nasuli-suli.

Lukas 2:7

Ia noanaka saito ngana langgai, ana lumbua. Ngana haitu nibunguna ante kae lampi, pade nidulina riara potande kandea binata, sabana ledo ria paturu ka ira ri banua pesaira haitu.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

1 Korintus 12:23

Bo sipa anu nireke ledo nagaya, sipa-sipa haitumo nipiara pakabelo-belo. Bo sipa-sipa anu ledo nabelo nikita ntona, sipa-sipa haitumo nitampunisita nte baju.