1 Timotius 1:8 - Kaili Ledo

⁸ Nisanita Atura-atura agama nipapola Nabi Musa nabelo asaa rapaketa mosinggambela nte patujuna.

1 Timotius 1:8 Referans Kwoze

Roma 7:16

Tapi ane kupovia pokainggu anu ledo nipokonoku, batuana yaku nangaku Atura agama nabelo.

2 Timotius 2:5

Topomore ledo mamala majadi padagi ane ia ledo matundu ri atura-atura nipakatantu.

Galatia 3:21

Jadi nuapa batuana? Atura agama nositaliku ante pojanji nu Alatala? Tantu ledo. Ane rapana rapakuleta mangoseaka Atura agama sampe rakavata katuvua nabelo, tantu haitumo majadi dalata mompakanoa karota mboto ri panggita nu Alatala.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Roma 7:18

Nisaniku ledo ria anu nabelo riara ntaiku, apa yaku manusia nadosa. Yaku madota mokainggu mabelo, tapi ledo nipakuleku.

Roma 7:22

Pekiri riara ntaiku, nipokonoku atura nu Alatala.