1 Timotius 1:17 - Kaili Ledo

¹⁷ Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Timotius 1:17 Referans Kwoze

Yudas 1:25

Aga Ia saito-itoNa Alatala. Iamo nompakasalama kita sabana anu nipovia nTuputa Yesus Kristus. Jadi ratoiyatamo Ia, apa Iamo Alatala anu nelabi kaogeNa, Magau nipokumaaka. Iamo nabaraka bo nakuasa lako ri lamba pamulana, sampe sii-sii, bo sampe ri kasae-saena! Amin! Tabe lako nte yaku, Yudas

Pompakita 19:1

Naupu haitu yaku i Yohanes, nangepe moni mpo suara ntona dea novoo nongare-ngare ri suruga. Niulira, “Haleluya! Ratoiyamo Alatala! Sabana Iamo nompakasalama kita. Iamo Alatala anu naoge bo nakuasa!

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Kolose 1:15

Alatala ledo nikita. Tapi ane nisanita inggu bo kuasa nu AnaNa, nisanita muni inggu bo kuasa nu Alatala. Namala raulita AnaNa haitu Lumbua, haitumo kuasaNa nelabipa pade pura-pura anu nipajadi nu Alatala.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

Roma 1:23

Ira ledo nadota netupu nte Alatala anu batena natuvu bo ledo mamate. Ira aga netupu nte anu nipoviara mboto nolenje mpo manusia, mpo tonji, mpo ule, bo mpo binata ntanina, anu kana mamate.

Pompakita 19:6

Naupu haitu niepeku mpo suara ntona dea novoo mpo soo nu uve oge bo mpo moni guru kede. Nongaremo ira, “Toiyamo Alatala! Sabana, Tuputa Alatala nomparenta pura-pura anu naria! Neliu mpuu KakuasaNa!

1 Yohanes 4:12

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Pompakita 15:3

Bo nipodadekaramo dade Nabi Musa, batua nu Alatala nggaulu. Bo nipodadekara muni dade mombabila Ana Bimba ivei: “O Pue Alatala, neliu mpuu KakuasaMiu! PoviaMiu naoge bo mpuu-mpuu nipokumaaka. Komiumo Magau nu pura-pura manusia ri dunia! Pura-pura pokaingguMiu nakana bo nanoa.

Pompakita 7:12

Niulira, “Amin! Ratoiyata Tuputa Alatala! Rapakaogeta Ia! Ratesata kanotoNa, raulita tarima kasi ka Ia. Rabilata Ia bo ratesata kuasaNa bo kabarakaNa sampe ri kasae-saena. Amin!”

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

1 Petrus 5:11

Iamo nakuasa sampe ri kasae-saena. Amin!

Ibrani 11:27

Lako ri pomparasaya i Musa, nipalaisina tana Mesir. Ia ledo naeka ka Magau Mesir nau narau mpuu rara Magau. I Musa batena naroo rarana, apa eva nikitana Alatala anu ledo nikita.

Roma 16:27

Iamo Alatala anu nangisani pura-pura! Ledo ria simbayuNa! Ia masipato ratoiyata sampe ri kasae-saena ante petulungi i Yesus Kristus. Amin.

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 1:20

Lako ri tempo dunia nipajadi nu Alatala sampe sii-sii, nisani nu manusia kuasaNa ledo naupu-upu bo Ia mpuu-mpuu Alatala. Nau ledo nikitata lenjeNa, nisanita Ia Alatala apa nisanita ingguNa lako ri pura-pura anu nipajadiNa ri dunia. Jadi ledo ria tona mamala manguli <>

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

Roma 2:10

Tapi pura-pura tona nokainggu nabelo kana ratoiya bo rabila bo manggava katuvu nabelo lako nte Alatala, pamula-mulana toYahudi bo muni tona ntanina,

Ibrani 2:7

Komiu nomparitambe manusia sampalai lako ri malaeka. Komiu nompakaoge manusia bo nombadekei nturo nibila ka ira.