1 Timotius 1:10 - Kaili Ledo

¹⁰ Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

1 Timotius 1:10 Referans Kwoze

2 Timotius 4:3

Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.

Roma 1:26

Ira ledo nadota netupu nte Alatala, jadi Alatala nompalamba ira mangoseaka dota rarara nabuga anu nepakaeya. Mombine-mombine domo nompokono langgai mpo biasana najadi nte manusia, tapi noberei simbo mombinemo.

Pompakita 21:27

Tapi anu naruto bo tona novia nadaa bo topodava ledo ntoto mamala mesua riara ngata haitu. Tona mamala mesua hamai aga tona nitulisi sangana riara Buku Katuvua nu Ana Bimba.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

Yudas 1:7

Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.

Titus 1:9

Ia kana maroo manggangisi pepatuduki nakana anu nipatudukita ka ia, apa pepatuduki haitu namala raparasaya. Ivesiamo rapakulena mompangajari topomparasaya mangoseaka pepatuduki nakana haitu, bo rapakulena muni mompopaisani sala ntona anu nombasapuaka pepatuduki haitu.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.

2 Timotius 1:13

Timotius, toramo pura-pura pepatuduki niepemu lako nte yaku. Pepatuduki haitu nakana mpuu bo kana majadi jonjo mupasiala bo mupatuduki ka tona ntanina. Pakaroso pomparasayamu bo potovemo singgamanusiamu sabana posangu raramu nte i Yesus Kristus.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Titus 1:13

Tesa nu nabi haitu nakana mami. Haitumo sampe iko kana mombasalaraka topomparasaya ri Kreta, ala ledo raoseakara pepatuduki nasala tapi pepatuduki nakana raoseakara.

Pompakita 18:13

Domo maria topangali kayu momi, rampa-rampa ntanina, bo lana vangi, mur bo dupa. Domo maria topangali uve anggur, lana zaitun, labu gando bo ose. Ivesia muni japi, bimba, jara, kareta bo tona rapobatua, domo raali ntupu ngata Babel.

1 Timotius 4:6

Ane mupatuduki pura-pura haitu pangane ka sampesuvuta sampomparasaya, iko majadi topokarajaa nabelo ka i Yesus Kristus. Bo iko mompakaroso raramu mboto ante Tesa nu Alatala anu niparasayata, bo ante pepatuduki nakana anu nioseakamu sampe sii-sii.