1 Tesalonika 3:3 - Kaili Ledo

³ ala ledo maria saitoa komiu moura momparasaya sabana nipandasa. Kakanana nisanimiumo kita topomparasaya kana rapandasa, apa ivesia nipakatantu nu Alatala ka kita.

1 Tesalonika 3:3 Referans Kwoze

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Roma 5:3

Bo ledo aga haitu, kita nadamba sabana nirasaita kasesa bo kapari, apa nisanita lako ri kasesa bo kapari haitu rarata majadi maroso.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”

1 Tesalonika 5:9

Kita nipelisi nu Alatala, ledo ala rahukuNa, tapi ala rapakasalamaNa sabana petolo nTuputa Yesus Kristus.

1 Korintus 4:9

Tapi kami dopa najadi magau ri dunia. Nangoseaka panggavaku, kami suro-suro i Yesus nipajadi nu Alatala tona nelabi napakasi ri dunia. Kami nasimbayu mpo tona nikeni rahuku mate ri ngayo ntodea, apa kami nikanoto nu isi dunia pura-pura, nau manusia nau malaeka-malaeka nTupu.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Efesus 3:13

Jadi, sampesuvu-sampesuvu, kuperapi nte komiu, nee maupu raramiu nangepe yaku nitarunggu, sabana pura-pura kasusa nirasaiku sii-sii manggeni belo ka komiu.

Suro-Suro 2:25

Magau Daud nggaulu nombaboto i Yesus matuvu mpanjili ivei: ‘Nikitaku Tupu nasaro nombajagai yaku. Ia ri sabingga ngganaku mombatulungi yaku ala yaku ledo molengga ragoya nuapa-nuapa.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Lukas 21:12

Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

2 Timotius 1:8

Jadi, nee maeya matamu motesaki Tuputa i Yesus, bo nee maeya matamu manggita yaku nitarunggu sabana pokarajaaku nompatolele Kareba i Yesus. Tapi iko kana masadia mantingayo kasusa nasimbayu mpo yaku sabana iko nompatolele Kareba Belo. Bo Alatala mombadekei kuasa ka iko mantingayo kasusa haitu.

2 Tesalonika 1:4

Sia sampe ri ngata-ngata ntanina kami nantoiya pokainggumiu ri ngayo ntodea topomparasaya i Yesus. Ante damba rara, kami nanguli ka ira, “Nabelo mpuu toTesalonika! Ira ledo nenonto nomparasaya i Kristus nau nipandasa bo nipakasusa ntona.”

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Filipi 1:28

Bo nee rapokaeka tona mangeva komiu. Apa kabiamiu haitu nompakalanto ka ira iramo rahuku nu Alatala bara maipia, tapi komiu rapakasalamaNa, sabana Alatalamo nombatulungi komiu.

Suro-Suro 21:11

I Agabus nakava nte kami ri banua i Filipus. Nialana sulepe i Paulus, bo nipouna ka kadana bo palena mboto pade niulina, “Iveimo niuli Nosa Gasa: ToYahudi ri ngata Yerusalem mombasaka tupu nu sulepe hitu, bo rapoura ivehitu, pade radekeira ka tona ledo toYahudi mombatangarana.”