1 Tesalonika 3:2 - Kaili Ledo

² bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

1 Tesalonika 3:2 Referans Kwoze

Filipi 1:25

Nisaniku nogunapa ka komiu, jadi sabana haitu, nisaniku yaku da matuvu bo mosinggava vai nte komiu pura-pura ala komiu mantambai maroso bo madamba momparasaya i Yesus.

2 Korintus 8:23

I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

2 Korintus 1:19

Apa i Yesus Kristus ledo nabali-bali. Iamo Ana nu Alatala anu nipatolele kami i Silas bo i Timotius ka komiu. Ia ledo nebalingoya, ledo sanggani nanguli, “Iyo”, bo sanggani nanguli, “Ledo.” TesaNa bate-batena namala raparasaya.

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

Suro-Suro 16:5

Jadi ivesiamo pomparasaya ntopangoseaka i Yesus nipakaroso, bo eo-eo nantambai kadea ntopomparasaya.

Suro-Suro 16:1

I Paulus bo i Silas nompapola polipara hau ri ngata Derbe, pade napola hau ri ngata Listra. Ri sia naria saito topangoseaka i Yesus nosanga i Timotius. Tinana toYahudi anu nomparasaya i Yesus munimo. Tapi tuamana toYunani.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Kolose 4:9

Ia tou mosanggani ante i Onesimus, sampesuvuta anu nipotoveta bo ia namala raparasaya. Ia lako ri ngatamiu mboto. Ira randua manguli ka komiu nuapa pura najadi ri sii.

Kolose 1:7

Kabelo nu Alatala niepemiu lako nte i Epafras, roa kami sampokarajaa nipotove kami. Ia batua i Kristus anu natutu nokarajaa nantulungi komiu.

Kolose 1:1

Sampesuvu-sampesuvu sampomparasaya ri ngata Kolose, todea nu Alatala anu naroo nosangu rara nte i Kristus: Sura hitu lako nte yaku, i Paulus, anu nipelisi majadi suro i Yesus Kristus nangoseaka dota nu Alatala; bo lako nte i Timotius, sampesuvuta sampomparasaya. Nadea tabe kami. Kami merapi Tuamata Alatala mombadekei belo ka komiu bo mompakatinonto raramiu.

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

1 Korintus 3:10

Yaku hii mpo topande novia banua. Lako ri kabelo rara nu Alatala, nianggatakaNa bo nipopompakuleNa yaku novia pandasi banua, bo tona ntanina nombabangu banua ri bavo nu pandasi haitu. Tapi simbo rabanguna pakabelo-belo.

2 Korintus 2:12

Kapolana, tempo yaku nakava ri ngata Troas mompatolele Kareba Belo i Kristus, i Pue nombadekei ka yaku loga nabelo mokarajaa hamai.

1 Tesalonika 3:5

Jadi sia sampe nituduku i Timotius tou nte komiu, ala kusani berimba pomparasayamiu, sabana domo nipakuleku mantaamaka kalentora raraku nompekirika komiu. Nakini raraku nee-nee komiu bara mamala radagi nu Magau Seta ante pesori-pesorina sampe domo ria asele lako ri katiti nu ini kami nanggeni Kareba Belo ka komiu.