1 Petrus 4:8 - Kaili Ledo

⁸ Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

1 Petrus 4:8 Referans Kwoze

Kolose 3:14

Tapi nelabipa pade pura-pura pangane, kita kana mosimpotove. Sabana, ane kita todea topomparasaya nosimpotove, kita mpuu-mpuu nosangu rara.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Yakobus 5:20

Tona nompakeni roana nadosa haitu manjili lako ri dalana nasala, ia mompakasalama roana haitu lako ri pehuku nu Alatala sampe ri kasae-saena, bo dosana nadea raampungi. Tabe lako nte yaku, Yakobus

1 Korintus 13:1

Ane rapana kupakule motesa mpengaya-ngaya basa manusia bo basa-basa malaeka, tapi ane ledo kupotove tona ntanina, tesa-tesaku haitu ledo ntoto ria gunana. Tesaku haitu nasimbayu mpo goo naoni atau gimba nitinti pakamangga, ledo ria isina.

1 Tesalonika 3:12

Kami nerapi ala i Pue mantambai tovemiu sampe komiu mpuu-mpuu mosimpotove bo mompotove pura-pura tona, nasimbayu mpo kami mpuu-mpuu nompotove komiu.

Ibrani 13:1

Komiu topomparasaya, jadi komiu kana bate-batena mosimpotove mpo tona nosampesuvu.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

3 Yohanes 1:2

Vegaku, kuperapi nte Alatala, ala katuvumu mabelo bo karomu maroso, nasimbayu mpo karoso pomparasayamu.

Yakobus 5:12

Sampesuvu-sampesuvu, paraluu mpuu rapariaramiu hitu: nee mompakaroso tesa ante sumpa. Nee mosumpa manggasangai langi bara tana bara nuapa-nuapa ntanina. Ane patujumiu manguli iyo, naganamo raulimiu “iyo”. Ane patujumiu manguli ledo, naganamo raulimiu “ledo”. Nee mosumpa ala komiu ledo rahuku nu Alatala.

1 Korintus 13:4

Tona nompotove roana nandoe posabarana bo nabelo rarana. Ia ledo nasiriati, ledo nangoe, bo ledo nalanga rarana.