1 Petrus 3:21 - Kaili Ledo

²¹ Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.

1 Petrus 3:21 Referans Kwoze

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Galatia 3:27

Komiu pura-pura nidiu, tandana komiu topangoseaka i Kristus, bo nipasialamiumo inggu-inggu i Kristus.

Suro-Suro 22:16

Jadi, nuapa vai nipopeamu? Peanggamo, dekeimo karomu radiu, tandana iko nangoseaka i Yesus. Pekakaimo nte i Yesus ala raampungiNa dosamu.’ ”

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

Kolose 2:12

Tempo kita nidiu tandana kita topangoseaka i Kristus, nireke kita namate bo nitana nosanggani-nggani ante i Kristus. Bo nireke muni kita nipakatuvu mpanjili nosanggani-nggani ante i Kristus, sabana kita nomparasaya kuasa nu Alatala anu nompakatuvu mpanjili i Kristus lako ri kamateNa.

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

1 Timotius 6:12

Pasimbukumo mpuu-mpuu mangoseaka pepatuduki i Kristus. Kingisi pakarosomo katuvu nabelo sampe ri kasae-saena. Apa patuju nu Alatala nompokio iko majadi todeaNa ala mukava katuvu nabelo haitu tempo nipangakumu pomparasayamu i Kristus ri ngayo ntodea.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

1 Korintus 4:6

Sampesuvu-sampesuvuku, porapa nitesaku ri bavona nipambela ka kami bo i Apolos ala mantulungi komiu. Nialaku jonjo kami randua ala komiu mamala meguru nee meliu lako ri anu nitulisi riara Buku Gasa. Patujuku ala ledo malanga raramiu bo ledo mantoiya saito batua i Kristus bo manjalai batua ntanina.

Suro-Suro 16:33

Ri tanga bongi haitu muni topojaga tarunggu nanggeni ira hau ri uve bo nompegasa bakara. Naupu haitu, kaliu-liu ira sambanua nidiu, tandana ira nomparasaya i Yesus.

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Roma 5:14

Tapi naupa ivesia, nompamula lako ri tempo i Adam sampe ri tempo i Musa pura-pura manusia kana mamate, nau dosara ledo nasimbayu nte dosa i Adam anu nombaliunaka anu niparenta nu Alatala ka ia. I Adam namala rapasimbayu ante tona neonga nggapurina, haitumo i Yesus. Kasimbayuna, asele anu nipoviara nambela pura-pura manusia.

Ibrani 11:19

Nipekirina Alatala nompakule mompakatuvu mpanjili tomate. Jadi namala rauli i Abraham nantarima anana mpanjili lako ri kamatena.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 13:18

Sampesuvu-sampesuvu, posambayakamo kami. Nisani kami, rara ntai kami nagasa apa kami batena madota mokainggu nabelo riara mpengaya-ngaya.

1 Petrus 3:16

Bo komiu kana matuvu ante rara ntai nagasa, mbelaka maria tona manjalai pokainggu nabelo nipoviamiu sabana pangoseakamiu i Kristus, ira kana maeya mboto.

Yohanes 13:9

Nangepe haitu, nanguli i Simon Petrus, “Ane ivesia, Pue, nee aga kadaku ratoposiMiu tapi paleku bo balenggaku muni.”

Suro-Suro 8:37

[Nesanamo i Filipus, “Ane niparasayamiu mpuu, mamala komiu radiu.” Nanguli toEtiopia haitu, “Niparasayaku i Yesus Kristus Iamo Ana nu Alatala!”]