1 Petrus 2:22 - Kaili Ledo

²² Ia ledo sanggania novia dosa, ledo sanggania Ia nodava.

1 Petrus 2:22 Referans Kwoze

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

1 Yohanes 3:5

Nisanimiumo patuju i Yesus nakava ri dunia ala Ia mompakalali pura-pura dosa manusia. Bo nisanimiu muni Ia mboto ledo ntoto nadosa.

Pompakita 14:5

Ira ledo sanggani nodava, bo nau aga sakide ledo ntoto naria salara.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Lukas 23:41

Bo kita randua hii masipato rahuku nasinjuru ante pokaingguta nadaa. Tapi tona hitu ledo ntoto nasala!”

Yohanes 8:46

Coba popakita ka Yaku dosaKu! Nakana anu nitesaKu, jadi nakuya ledo niparasayamiu?

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Lukas 23:47

Tempo balengga nu tantara nanggita anu najadi, nitoiyanamo Alatala. Niulina, “Nakana mpuu tona hitu ledo ria salaNa.”

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Matius 27:4

Niulikana ira, “Nadosamo yaku! Yaku nompobalu tona ledo nasala bo Ia nihuku mate!” Nesana ira, “Haitu ledo urusa kami! Urusamu mboto!”