1 Petrus 2:21 - Kaili Ledo

²¹ Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

1 Petrus 2:21 Referans Kwoze

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Yohanes 13:15

Yaku najadi jonjo ka komiu ala komiu mositulungi, nasimbayu mpo Yaku nantulungi komiu notoposi kadamiu.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Korintus 11:1

Jadi pasialamo pokaingguku nasimbayu mpo yaku mboto nompasiala pokainggu i Kristus.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.

Filipi 2:5

Pekirimiu bo inggumiu kana masimbayu nte pekiri bo inggu i Yesus Kristus.

Matius 11:29

Paritundu pasanga Kudika ka komiu bo pegurumo nte Yaku, apa Yaku nalusu bo naede raraKu bo Kupakatinonto raramiu.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

Matius 10:38

Bo tona ledo nanjimbuaka kayu salibna bo nangoseaka Yaku, ia ledo masipato rauli topangoseaka Yaku.

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

Ibrani 2:10

Alatalamo anu nompajadi mpengaya-ngaya bo mpengaya-ngaya haitu nipajadiNa nangoseaka dotaNa mboto. PatujuNa ala madea tona majadi ana-anaNa bo manggava bagia ri kaogeNa. Haitumo sampe masipato nipalambaNa i Yesus nombarasai kasusa bo kapari ala i Yesus majadi Topepakasalama anu ledo nakura nuapa-nuapa, anu nobuka dala ala manusia namala rapakasalama.

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

1 Tesalonika 4:2

Nisanimiu pepatuduki nidekei kami ka komiu ante kuasa lako nte i Pue Yesus.

1 Tesalonika 3:3

ala ledo maria saitoa komiu moura momparasaya sabana nipandasa. Kakanana nisanimiumo kita topomparasaya kana rapandasa, apa ivesia nipakatantu nu Alatala ka kita.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Lukas 24:26

Magau Topepakasalama mombarasai peparajea ntani ruru dopame rapakaoge.”

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.