1 Petrus 2:2 - Kaili Ledo

² Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

1 Petrus 2:2 Referans Kwoze

Efesus 4:15

Tapi kita kana mpuu-mpuu matuvu mangoseaka pepatuduki nakana bo kita kana mosimpotove. Ivesiamo mantambai karoso pomparasayata bo mantambai kanotota sampe kita majadi nasimbayu nte i Kristus. I Kristus haitu, nirapaka Balenggata

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

Markus 10:15

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea riara Poparenta nu Alatala.>>

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

Matius 18:3

bo nanguli, “Pariaramo tesaKu hitu! Ane komiu ledo mombabali inggumiu bo majadi nasimbayu eva ngana kodi hitu, komiu ledo majadi todea riara Poparenta nu Alatala.

Efesus 2:21

Iamo nombasunju pakabelo-belo bo nompakaroso banua haitu sampe najadi banua petupu anu nagasa, anu masipato raponturo nu Alatala.

Roma 6:4

Jadi tempo kita nidiu, mamala raulita kitamo anu namate bo nitana nosanggani-nggani ante i Kristus. Haitu najadi ala kita matuvu ante pokainggu nabaru, nasimbayu mpo i Kristus nipakatuvu mpanjili lako ri kamateNa ante kuasa nTuamata Alatala anu naoge.

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

Matius 19:14

Nanguli i Yesus ka ana-anaguruNa, “Palambakamo ngana-ngana gahitu makava nte Yaku. Nee ratagi ira. Apa aga tona nasimbayu ingguna eva ngana-ngana gahitu masipato majadi todea riara Poparenta nu Alatala.”

Lukas 18:17

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea nu Alatala.”