1 Korintus 9:10 - Kaili Ledo

¹⁰ Natantu kitamo nipatujuNa ante tesa haitu! Tesa haitu nitulisi rarapaka katuvuta manusia. Topopajeko bo topomporo kana mokarajaa ante manjarumaka mantarima sabagia lako ri asele ntana nikarajaara haitu.

1 Korintus 9:10 Referans Kwoze

2 Timotius 2:6

Topotalua anu nokarajaa ntamo, iamo paratama masipato mantarima asele ntaluana haitu.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

1 Korintus 3:9

Apa kami bo i Apolos nosampokarajaa ante Alatala, bo komiumo nirapaka talua nu Alatala. Komiu muni nirapaka banua nu Alatala.

Matius 24:22

Rapana tempo pepandasa haitu ledo rapakambuku, natantu nau saitoa tona ledo maria matuvu. Tapi lako ri tove nu Alatala ka todea topomparasaya anu nipelisiNa, tempo pepandasa haitu kana rapakambukuNa.