1 Korintus 9:1 - Kaili Ledo

¹ Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

1 Korintus 9:1 Referans Kwoze

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

1 Korintus 3:6

Yaku hii nirapaka topotuda bo i Apolos nirapaka topodundusi. Tapi Alatalamo anu nompakatuvu tuda-tuda.

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 9:3

Riara polipana hau ri ngata Damsyik, tempo napara ngata haitu, sampesanika naria reme nevanta lako ri langi nantiku ia.

1 Korintus 9:19

Yaku hii ledo batua ntona, namala natuvu nangoseaka dotaku mboto. Tapi nitunggaiku natuvu mpo batua ka pura-pura tona. Nipoviaku ivesia ala madea mpuu tona kukeni momparasaya i Yesus.

2 Timotius 1:11

Yaku nianggataka nu Alatala majadi suroNa ala mompatolele bo mompatuduki Kareba Belo haitu ka tona ledo toYahudi.

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

1 Tesalonika 2:6

Kami ledo muni mbeki ratoiya ntona, bara komiu bara tona ntanina. Kakanana masipato kami merapi nte komiu, sabana kami mpuu-mpuu suro i Kristus.

2 Korintus 11:5

Niepemiumo tesa ntona anu nantoiya karo mboto, haitumo suro-suro anu ledo ria kasimbayuna. Jadi kana raepemiu muni tesaku hitu, apa yaku hii ledo ntoto natuei pade ira.

1 Korintus 1:1

Sampesuvu-sampesuvu, todea nu Alatala ri ngata Korintus: Komiu nipelisi nu Alatala majadi todeaNa mboto sabana komiu nosangu rara ante i Yesus Kristus. Komiu nipokio majadi todea nu Alatala mosanggani-nggani ante pura-pura tona ri umba-umba dunia anu nekakai nte i Yesus Kristus, Tupura bo Tuputa muni. Sura hitu lako nte kami, i Paulus bo sampesuvuta sampomparasaya i Sostenes. Yaku nipelisi nu Alatala majadi suro i Yesus Kristus nangoseaka dota nu Alatala mboto.

Roma 11:13

Sii-sii kupambela tesaku hitu ka komiu, tona ledo toYahudi. Yakumo hii suro i Yesus anu nisuroNa manggeni Kareba Belo ka komiu tona ledo toYahudi. Bo pokarajaaku haitu nirekeku nabelo mpuu.

Roma 1:5

Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Suro-Suro 14:14

Niepepa i Paulus bo i Barnabas nia ntodea haitu, nibiteramo pakeara mboto, tandana nasusa mpuu rarara sabana todea haitu madota mombasomba ira. Nangovamo ira hau ri tatanga ntodea bo nongare nombatagi todea ivei:

Suro-Suro 14:4

Tapi tona ri ngata haitu ledo nasintuvu. Naria nosabingga ka toYahudi, bo naria muni nosabingga ka suro-suro.

Suro-Suro 13:2

Naria saeo, todea topomparasaya pura-pura nosambaya bo nombatoiya Alatala bo nopuasa. Nosa Gasa nu Alatala nanguli ka ira, “Pelisi bo patani ka Yakumo i Barnabas bo i Saulus mantui pokarajaa nipakatantuKu ka ira.”

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Suro-Suro 9:5

Nekutana i Saulus, “Isema komiu, tua?” Nesana topotesa haitu, “Yakumo i Yesus, tona nipandasamu.

1 Korintus 10:29

Patujuku, ledo ponggai raramiu nipekiriku tapi ponggai rara nu roa. Tapi bara maria tona manguli, “Nakuya dotaku mamala ralava ntona ntanina?

1 Korintus 10:30

Ane kuuli tarima kasi ka Alatala dopame kukande kandea haitu, nakuya rapakasala ntona yaku?”

1 Korintus 11:16

Ane maria tona madota mosinjanaika pepatuduki hitu, aga sangaya kuuli ka ira: Ledo ria kabiasa ntanina nioseaka kami bo pura-pura todea topomparasaya Alatala.

2 Korintus 10:7

Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.