1 Korintus 8:3 - Kaili Ledo

³ Tapi isema-sema mpuu-mpuu nompotove Alatala, ia niposisani nu Alatala.

1 Korintus 8:3 Referans Kwoze

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Pompakita 2:19

NisaniKumo pura-pura pokainggumiu. NisaniKu tovemiu bo pomparasayamiu nte Yaku. NisaniKu bagomiu nantulungi Yaku bo komiu nosabara tempo nipandasa. Bo nisaniKu bagomiu nantulungi Yaku sii-sii nabelopa pade anu nipoviamiu tempo komiu dako nomparasaya Yaku.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Yohanes 10:14

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

Matius 7:23

Tapi Kupesanaka ira, ‘Ledo nisaniKu komiu! Palaimo lako ri sii, komiu topokainggu nadaa!’ ”

1 Yohanes 4:19

Kita nepotove sabana Alatala nokolu nompotove kita.

Pompakita 2:9

NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Roma 11:2

Alatala ledo nompoara todeaNa anu nipelisiNa lako bara ipiame. Toramo tesa Nabi Elia nitulisi ri Buku Gasa. Tempo ia nompangadu toIsrael ri ngayo nu Alatala niulina ivei:

1 Korintus 13:12

Anu nikitata sii-sii nasimbayu mpo vayo nu lenje navuyo-vuyo riara pompevayo. Tapi ri tempo makava malanto rakitata mpo tona mosinggita lenje. Sii-sii pangisaniku da nakura, tapi tempo bara maipia malanto kusani pura-pura nuapa, nasimbayu mpo Alatala nangisani pura-pura karoku hitu.

1 Yohanes 4:7

Sampesuvu-sampesuvu nipotoveku, kita kana mosimpotove sabana tove nopuna lako nte Alatala. Isema-sema nepotove, iamo ana nu Alatala, bo nosisani belo ante Alatala.