1 Korintus 5:7 - Kaili Ledo

⁷ Jadi tedeakamo ragi njaena, haitumo suvurakamo tona nokainggu nadaa, ala komiu majadi todea magasa nasimbayu mpo gando nabaru dopa nambela ragi. Bo komiu nagasa mami, apa i Kristus nipatesi mombasompo dosata nasimbayu mpo ana bimba nipatesi ri Posusa Paskah ntoYahudi.

1 Korintus 5:7 Referans Kwoze

Efesus 4:22

Haitumo, komiu nipatuduki mombakabasaka katuvu njaemiu ante pokainggu nituntunimiu tempo komiu dopa nomparasaya i Yesus. Dota rara nadaa nituntunimiu tempo haitu nombabagiu komiu bo nompakagero katuvumiu.

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Pompakita 5:12

Bo nodademo ira ante suara namangga ivei: “Ana Bimba anu nipatesi nggaulu, masipato ratesata kuasaNa bo kakalumanaNa, notoNa bo kabarakaNa. Iamo masipato rabila bo ratoiya bo rapakaoge.”

1 Korintus 10:17

Nau kita nadea, kita pura-pura najadi sangu karo sabana roti sangu haitu nikandeta nosanggani-nggani.

Yohanes 19:14

Tempo haitu nambela eo pompakasadia ka eo penonto, nitasere tongo eo. Nangulimo i Pilatus ka toYahudi, “Siimo magaumiu!”

Markus 14:12

Nakavamo eo matana Posusa Roti Ledo Noragi, haitumo tempo toYahudi nosambale ana bimba rakande ri posusa Paskah. Eo haitu nakavamo anaguru i Yesus mompekutana, <>

Yohanes 1:36

Tempo nikitara i Yesus noliu ri sia, nangulimo i Yohanes, “Peintamo! Haitumo Ana Bimba nu Alatala!”

Matius 13:33

Naupu sia nitesa i Yesus vaimo sangu porapa ntanina. NiuliNa, “Poparenta nu Alatala nasimbayu eva ragi niala nu mombine bo niposigalona ante talu-njuka labu nu gando. Naupu nipasigalona, nenggamba puramo labu gando haitu.”

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.