1 Korintus 4:12 - Kaili Ledo

¹² Kami nokarajaa ntamo ante pale kami mboto nangelo katuvua. Ane nipindasi ntona kami, kami nerapi Alatala mombadekei belo ka tona haitu. Ane nipandasa ntona kami, kami bate-batena nosabara.

1 Korintus 4:12 Referans Kwoze

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

Matius 5:11

Nabelo mpuumo ane komiu rasalai atau rapandasa atau rarai ntona sabana komiu topangoseaka Yaku.

Roma 12:14

Ane maria tona mompandasa komiu, nee ratundamiu ia tapi perapi Alatala mombadekei belo ka ia.

Roma 12:20

Jadi, oseakamo pepatuduki ri Buku Gasa anu nanguli ivei: <> Amsal 25:21-22

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Lukas 6:28

Perapi belo ka topompindasi komiu bo posambayaka tona novia nadaa ka komiu.

1 Petrus 3:14

Tapi nau komiu mombarasai kasusa sabana pokainggumiu nabelo, mauntu mpuumo komiu! Nee maeka ka tona, bo nee makini raramiu.

1 Petrus 2:23

Tempo Ia nisalai ntona, ledo nibalasiNa. Tempo Ia nipandasa, Ia ledo nesava. Tapi Ia aga nanjarumaka Alatala, Topotangara nanoa anu manjaliku Ia.

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yudas 1:9

Tano i Mikhael mboto, nau ia tadulako malaeka nu Alatala, ledo nabia nanjalai Magau nu Seta. Tempo kamate i Musa, i Mikhael bo Magau nu Seta nosinjanaika isema mangala karobata i Musa. Nirasai i Mikhael ledo masipato ia manjalai Magau nu Seta. Ia aga nanguli, “Damo Tupu mombahuku iko!”

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

2 Tesalonika 3:8

Kami ledo nangande kandea anu ledo nibayari kami. Tapi bara eona bara bongina, kami nokarajaa ntamo ala ledo mompakasesa komiu.

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

1 Korintus 9:6

Atau nisarumakamiu aga yaku bo i Barnabas kana mokarajaa ante pale kami mboto mompaelo? Ledo masipato kami muni ratande ntodea topomparasaya?

Suro-Suro 20:34

Nisanimiu mboto yaku nokarajaa ante paleku mboto ala kuali mboto anu niparaluuku bo anu niparaluu roa-roaku.

1 Petrus 4:19

Jadi sampesuvu-sampesuvu, ane dota nu Alatala komiu kana mombarasai kasusa bo kapari, nee menonto movia nabelo. Sarumakamo Alatala manjaliku komiu. Apa Iamo nompajadi komiu, bo Ia namala raparasaya mompakadupa pojanjiNa ka komiu.

Roma 8:35

Jadi, nuapa mamala mompopogaa kita lako ri tove i Kristus? Natantu ledo ria! Nau kita masusa atau mapari atau rapandasa ntona, nau kita maara mpai atau ledo ntoto ria pakea, nau kita rakava nu susa bara rapatesi, i Kristus bate-batena mompotove kita.

2 Korintus 11:8

Tempo yaku nakava nombatulungi komiu yaku nitanggu ntodea topomparasaya lako ri ngata ntanina. Namala rauli yaku nompakarugi ira ala mamala mantulungi komiu.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.