1 Korintus 3:12 - Kaili Ledo

¹² Ane topokarajaa ka Alatala nabelo pokarajaana, ia namala rarapaka topovia banua anu nombabangu ante bulava, salaka, bo vatu nasuli ri bavo nu pandasi haitu. Ane topokarajaa ka Alatala ledo nabelo pokarajaana, ia namala rarapaka topovia banua anu nombabangu ante kayu bara jono bara kada mpae.

1 Korintus 3:12 Referans Kwoze

2 Timotius 4:3

Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.

2 Timotius 3:7

Mombine-mombine haitu nasaro nekipaguru tapi ledo nipakulera nombapaha mpuu pepatuduki nakana lako nte Alatala.

2 Timotius 2:20

Riara banua mbaso naria mpengaya-ngaya pareva. Naria nipovia lako ri bulava bo salaka, tapi naria muni anu nipovia lako ri kayu bo tana lei. Pareva bulava bo salaka nipake mantande torata, tapi pareva ntanina nipake eo-eo.

Pompakita 21:18

Tembo ngata haitu nipovia lako ri vatu-vatu yaspis, anu nenggila nalei bo nagavu. Ngata haitu nipovia lako ri bulava anu ledo ria galona, sampe damo nenggila mpo kaca nevayo.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.

1 Petrus 1:7

Patuju nu pesori-pesori haitu ala rasani kaliangu pomparasayamiu. Bulava nigonu ante apu ala rasani bara maria galona bara ledo. Pomparasayamiu noalipa pade bulava anu namala magero. Jadi pomparasayamiu kana rapesori muni ante mpengaya pesori. Bo ane pomparasayamiu mpuu-mpuu maliangu, komiu ratoiya bo rabila bo rapakaoge tempo i Yesus Kristus makava mpanjili ri dunia.

Pompakita 2:14

Tapi da nariapa bara sako-ngaya inggumiu anu ledo nipodambaKu. Naria tona nte komiu nangoseaka pepatuduki i Bileam nggaulu. I Bileam nompatuduki Magau Balak mompakanavu toIsrael riara dosa. Nipatudukina ia mompakeni ira mangande kandea nipopali sabana nipakande ka tupu-tupu ntanina, bo nompatuduki ira ledo makuya mosipogau nte tona ledo bereina mboto.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

2 Korintus 2:17

Nadea tona nompatolele Tesa nu Alatala ala mangelo untu ka karora mboto. Tapi ledo ivesia kami. Patuju kami nagasa bo tesa kami nakana, apa kami nisuro nu Alatala mompatolele TesaNa. Jadi kami notesa ante kuasa i Kristus bo Alatala nanggita povia kami haitu.

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

Suro-Suro 20:30

Lako nte komiu mboto meumba tona mompatuduki anu ledo nakana. Rapoviara ivesia ala topangoseaka i Yesus domo mangoseaka dala nakana, tapi mangoseaka iramo.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

1 Korintus 3:11

Apa pandasi anu nipovia mamimo, haitumo i Yesus Kristus. Ledo ria pandasi ntanina.

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.