1 Korintus 14:1 - Kaili Ledo

¹ Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Korintus 14:1 Referans Kwoze

1 Korintus 14:39

Jadi sampesuvu-sampesuvuku, pasimbukumo ante mpuu-mpuu raramiu manggava pompakule mompasimbayu tesa nitarimamiu lako nte Alatala. Bo nee ratagi tona mompake basa-basa nopuna lako nte Nosa Gasa.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

1 Korintus 16:14

Nuapa-nuapa rapoviamiu, poviamo ante pepotove.

1 Korintus 12:1

Kapolana, sampesuvu-sampesuvu. Kutesaki pompakule nidekei nu Nosa Gasa nu Alatala ala rasanimiu mpuu-mpuu anu nakana.

1 Korintus 13:13

Jadi pura-pura pompakule maupu tapi naria talu-ngaya anu ledo maupu-upu, haitumo pomparasaya, panjarumaka bo pepotove. Bo lako ri talu-ngaya haitu, nopokopa pepotove.

1 Tesalonika 5:20

Nee mompandaente tesa ntona anu nompapola tesa nidekei nu Alatala ka ia.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

1 Korintus 12:31

Jadi pasimbukumo ante mpuu-mpuu raramiu manggava pompakule-pompakule lako nte Nosa Gasa anu noguna mpuu. Bo sii-sii kupopakita ka komiu sangaya anu nelabi kabelona.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

2 Petrus 1:7

bo mosimpotove nte sampesuvumiu sampomparasaya. Bo komiu kana mompotove pura-pura tona.

Roma 12:6

Kita simbo nidekeika pompakule-pompakule ledo nasimbayu, nangoseaka anu nidekei nu Alatala ka simbo saito lako ri kabelo raraNa. Jadi sabana haitu, kita kana mpuu-mpuu mompake pompakuleta haitu. Isema-sema nidekeika pompakule mompatolele tesa lako nte Alatala, kana rapoviana mangoseaka pomparasaya naria nte ia.

2 Timotius 2:22

Jadi, nee mpuu mangoseaka dota-dota nu rara nadaa anu nipodamba ngana-ngana muda. Tapi pasimbukumo matuvu manoa ri panggita nu Alatala. Pakaroso pomparasayamu, potovemo singgamanusiamu, bo pasimbukumo matuvu mosinggabelo nte ira. Poviamo pura-pura haitu mosanggani-nggani nte pura-pura tona anu nekakai nte i Pue ante rara nagasa.

Roma 9:30

Jadi kambukuna ivei: Tona ledo toYahudi ledo nompasimbuku majadi manoa ri panggita nu Alatala. Tapi Alatala noreke ira nanoa sabana niparasayara Ia.

Roma 14:19

Haitu sampe kita kana mompasimbuku matuvu mosinggabelo ante roata, bo mosipakaroso rara.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 14:22

Jadi ane nipaketa basa-basa anu nopuna lako nte Nosa Gasa, tesata haitu tandana kuasa nu Alatala ka tona ledo nomparasaya, ledo ka topomparasaya. Tapi ane nipasimbayuta tesa nu Alatala, tesata haitu tandana kuasa nu Alatala ka topomparasaya, ledo ka tona ledo nomparasaya.