1 Korintus 13:8 - Kaili Ledo

⁸ Pepotove ledo maupu-upu. Ane pompakule mompasimbayu tesa nitarima lako nte Alatala, makava tempona pompakule haitu menonto. Bo ane pompakule motesa ante basa-basa nopuna lako nte Nosa Gasa, makava tempona pompakule haitu malipo. Bo ane anu nipopaisani nTupu ka kita, makava tempona pangisanita domo raparaluu.

1 Korintus 13:8 Referans Kwoze

1 Korintus 13:13

Jadi pura-pura pompakule maupu tapi naria talu-ngaya anu ledo maupu-upu, haitumo pomparasaya, panjarumaka bo pepotove. Bo lako ri talu-ngaya haitu, nopokopa pepotove.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Ibrani 8:13

Ri tesaNa pangane, Alatala nombatesa pojanji nabaru, jadi nipakalantoNa pojanji nokolu natuamo bo domo rapake. Anu domo nipake bo natuamo natantu domo masae malipomo.

1 Korintus 13:10

Tapi tempo Alatala mompakabelo mpengaya-ngaya bara maipia, domo raparaluuta pompakule-pompakule anu da nakura haitu.

1 Korintus 12:10

Bo tona ntanina nidekeika pompakule movia kabaraka. Tona ntanina nidekeika pompakule mompasimbayu tesa nitarimana lako nte Alatala, bo tona ntanina nidekeika pompakule mompoposisala anu nopuna lako ri Nosa Gasa bo anu nopuna lako ri kuasa-kuasa ntanina. Bo tona ntanina nidekeika pompakule notesa basa-basa anu nopuna lako ri Nosa Gasa. Bo sanupa vai nidekeika pompakule mombabatuasi tesa-tesa lako ri basa-basa haitu.

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

1 Korintus 14:39

Jadi sampesuvu-sampesuvuku, pasimbukumo ante mpuu-mpuu raramiu manggava pompakule mompasimbayu tesa nitarimamiu lako nte Alatala. Bo nee ratagi tona mompake basa-basa nopuna lako nte Nosa Gasa.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

1 Korintus 8:2

Isema-sema nompekiri nadeamo nisanina, kakanana dopa nisanina mpuu anu masipato rasanina.