1 Korintus 13:2 - Kaili Ledo

² Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 13:2 Referans Kwoze

1 Yohanes 4:8

Tapi isema-sema ledo nepotove, ia dopa nosisani belo ante Alatala, sabana Alatala puna nu tove.

1 Korintus 13:3

Bo ane kudekei pura-pura mbara-mbaraku ka tona napakasi, bo kudekei karoku mboto rapatesi rapalabu ntona sabana pomparasayaku i Yesus, tapi ane ledo kupotove tona ntanina, pura-pura anu nidekeiku ledo ntoto naria gunana.

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

Matius 21:21

Nesana i Yesus, “Pariaramo tesaKu hitu. Ane komiu momparasaya, bo ledo molengga-lengga raramiu, komiu muni mamala movia anu nipoviaKu ka kayu haitu. Bo ledo aga ivesia, komiu mamala mangulika bulu hitu, ‘Kateunggatakamo! Katedaka rantasi!’, bo majadi mpuu.

Efesus 3:4

bo ane rabacamiu, rasanimiu muni anu nipopaisani ka yaku, haitumo, patuju nu Alatala anu nipakadupa riara nggatuvu i Kristus.)

1 Korintus 13:1

Ane rapana kupakule motesa mpengaya-ngaya basa manusia bo basa-basa malaeka, tapi ane ledo kupotove tona ntanina, tesa-tesaku haitu ledo ntoto ria gunana. Tesaku haitu nasimbayu mpo goo naoni atau gimba nitinti pakamangga, ledo ria isina.

Galatia 5:16

Patujuku ivei: komiu kana matuvu mangoseaka dota Nosa Gasa nu Alatala ala komiu ledo matuvu mangoseaka dota raramiu nadaa.

Kolose 1:26

Kareba haitu nompakalanto nia nu Alatala anu dopa nipopaisani ka manusia lako ri nggauluname, lako ri muli nu mulina, tapi sii-sii nipopaisaniNamo ka todeaNa, haitumo, tona nomparasaya Ia.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 7:19

Apa ledo ria gunana ane kita mangoseaka ada posuna bo ledo muni naria gunana ane kita ledo mangoseaka ada haitu. Anu noguna ntoto, haitumo, mangoseaka parenta-parenta nu Alatala.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

1 Korintus 4:1

Jadi kami pakenimiu kana rarekemiu batua i Kristus. Kami hii niparasayaka nu Alatala mompatolele tesaNa anu dopa nisani ntodea ri dunia.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Matius 21:19

Ri soso dala nikitaNa sanggayu kayu ara. Jadi hau Ia nanggaparai kayu haitu, tapi nau aga sangu vuana ledo ria nikavaNa, aga tavana bayangi. Jadi niuliNa ka kayu haitu, “Mompamula eo hitu, domo movua iko!” Bo kaliu-liu nalelemo kayu haitu.

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

2 Korintus 12:11

Sampesuvu-sampesuvu, yaku hii notesa mpo todoyo, tapi komiu nompasuu yaku notesa ivesia! Kakanana komiumo masipato mombatoiya yaku, sabana naupa yaku hii ledo naria nturoku, yaku ledo ntoto nakura ane rapoposisala ante tona nirekemiu suro-suro anu ledo ria kasimbayuna!

1 Korintus 14:39

Jadi sampesuvu-sampesuvuku, pasimbukumo ante mpuu-mpuu raramiu manggava pompakule mompasimbayu tesa nitarimamiu lako nte Alatala. Bo nee ratagi tona mompake basa-basa nopuna lako nte Nosa Gasa.

1 Korintus 8:4

Jadi ane motesa kandea nipakande ka tupu-tupu ntanina, nisanitamo pinoito nogambara anu ledo nakana. Bo nisanita muni Alatala aga saito, ledo ria ntanina.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Roma 15:14

Sampesuvu-sampesuvuku, nisaniku mboto komiu batena nokainggu nabelo nte tona ntanina, bo nisanimiumo pura-pura anu masipato rapoviamiu, bo nipakulemiu mosipakaroso rara.

1 Korintus 11:4

Jadi ane riara kasiromumiu naria langgai nosambaya atau nompasimbayu tesa nitarimana lako nte Alatala bo nibonggona balenggana, ia ledo nombabila i Kristus, pakenina.

1 Korintus 13:8

Pepotove ledo maupu-upu. Ane pompakule mompasimbayu tesa nitarima lako nte Alatala, makava tempona pompakule haitu menonto. Bo ane pompakule motesa ante basa-basa nopuna lako nte Nosa Gasa, makava tempona pompakule haitu malipo. Bo ane anu nipopaisani nTupu ka kita, makava tempona pangisanita domo raparaluu.

1 Korintus 14:4

Tona nompake basa nopuna lako ri Nosa Gasa nompakaroso pomparasayana mboto. Tapi tona nompasimbayu tesa nu Alatala, nompakaroso pomparasaya ntodea topomparasaya.

1 Korintus 14:29

Ane tona mompasimbayu tesa nitarimana lako nte Alatala, nabelo ane randua atau tatalu motesa. Tona ntanina kana mompetalingai pakabelo-belo ala rataserera anu nitesa haitu bara lako nte Alatala bara ledo.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.