1 Korintus 11:21 - Kaili Ledo

²¹ Apa ane komiu nangande, komiu aga nompago mangala kandeamiu bo panginumiu mboto bo ledo nompopea roa sampe naria tona ledo nanggava kandea nuapa-nuapa, bo naria ntanina aga nanginu sampe nalangu.

1 Korintus 11:21 Referans Kwoze

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

2 Petrus 2:13

Ira rabalasi ante kasusa sabana nipakasusara tona ntanina. Nau eona, nadamba guru-guru mpodava novia mpengaya-ngaya nompakaosa dotara nadaa. Ira nangande nosanggani nte komiu mpo tona nabelo, tano pokainggura mpuu-mpuu nepakaeya! Ira aga nadamba nompebasa nangoseaka dota rarara nadaa.

Yohanes 2:10

bo niulikana, “Biasana tona nompatala uve anggur tobelona ntani ruru, bo ane torata nabasamo nanginu pade nipatala ka ira uve anggur biasa. Tapi komiu, nibolimiu uve anggur tobelona sampe sii-sii!”

1 Korintus 11:20

Tempo komiu nasiromu mosanggani-nggani, pokainggumiu ledo masipato ka tona masiromu mangande roti bo manginu uve anggur mantora kamate i Pue Yesus.

1 Korintus 11:34

Ane maria tona naara taina, agina ia mangande ntani ruru lako ri banuana mboto. Nee sampe masiromu mosanggani-nggani bo aga rapambela pehuku nu Alatala. Bo ane yaku tou nte komiu ngena, damo kupakasiayu parakara-parakara ntanina.